Inderlik polıtseıler kıik aýlaǵandardy ustady
13:06, 03 Aqpan 2023
ATYRAÝ. QazAqparat - Inderlik polıtseıler kıik aýlaǵandardy ustady, dep habarlaıdy QazAqparat ІІM-ne silteme jasap.
«Atyraý oblysy aýmaǵynda ótip jatqan «Qystaq» jedel-profılaktıkalyq is-sharasy kezinde ınderlik qyzmetkerler Inderbor kentine kireberis tasjolda ÝAZ avtokóligin toqtatqan.
Tintý barysynda kıiktiń 4 múıizin, onyń butarlanǵan etin jáne ańshy qarýyn tárkilegen», - dep jazylǵan vedomstvo habarlamasynda.
Atalǵan faktige qatysty 1974 jáne 1972 jyldary týǵan kúdiktilerge qatysty QR Qylmystyq kodeksiniń 339-baby boıynsha sotqa deıingi tergeý bastaldy.