Inchhon áýejaıynda qashyp ketken ekinshi qazaqstandyq polıtsııaǵa óz erkimen bardy
«Shekarany zańsyz kesip ótkeni úshin izdeýde bolǵan Qazaqstannyń ekinshi azamaty koreı polıtsııasyna óz erkimen berildi. Qazaqstan Elshiligi bul máseleni erekshe baqylaýda ustap otyr jáne otandastarymyzǵa qajetti barlyq konsýldyq-quqyqtyq kómek kórsetetin bolady, - dep atap ótti Aıbek Smadııarov.
Buǵan deıin Koreıa Respýblıkasyna kirýge ruqsat berilmegen Qazaqstannyń eki azamaty Inchhon halyqaralyq áýejaıynan zańsyz qashyp ketkenin jazǵan edik. Keıinirek olardyń birin jergilikti polıtsııa ustady, al ekinshi otandasymyz izdeýde bolǵan.
«Bolǵan oqıǵa Ońtústik Koreıada qoǵamdyq rezonans týdyrdy jáne jergilikti BAQ-ta keńinen jarııalandy. Óz kezeginde bul jaǵdaı bolashaqta Koreıa Respýblıkasynyń quqyq qorǵaý jáne ımmıgratsııalyq organdaryn ásirese Qazaqstan azamattarynyń elde zańsyz júrip-turýyna qarsy belsendi kúresýine, sondaı-aq bizdiń otandastarymyz úshin elge kirý tártibin qatańdatýǵa ıtermeleýi múmkin», - dep málimdegen edi Syrtqy ister mınıstrliginen.