Inchhon-2014: Qazaqstandyq E.Hýpovets kúmis júldege qol jetkizdi
«KAZsport» telearnasynan tikeleı efırde kórsetkenindeı, jartylaı fınalda 2012 jylǵy Azııa chempıony, ırandyq Nasrın Dýstıdi 4:0 esebimen utqan Mańǵystaý oblysynyń ókili, 22 jastaǵy E.Hýpovets fınalda taıbeılik on segiz jasar Tsýı Pın Kýmen kezdesti. Bul jekpe-jekte tóreshilerdiń búıregi taıbeılik karateshige kóbirek buryp, ol upaı sanymen jeńimpaz bolyp tanyldy. Sóıtip Qazaqstan qorjynynda 28 altyn, 23 kúmis, 33 qola, barlyǵy 84 medal bar.
Aıta keteıik, bıylǵy Azıada qorytyndysynda qazaqstandyqtar óz tarıhynda altyn medal jóninen rekordtyq nátıjege qol jetkizdi. Osyǵan deıin 1994 jyly Qazaq eli alǵash qatysqan Hırosıma qalasyndaǵy Azııa oıyndarynda qorjynǵa túsken 25 altyn júlde úzdik kórsetkish sanalyp kelgen edi. Bul joly qazaqstandyq sportshylar jeńis tuǵyryna áldeqaıda kóp kóterilip, elimizdiń Ánurany 28 ret oınaldy. Sóıtip jalpykomandalyq esepte Qazaqstan ulttyq quramasy Qytaı, Ońtústik Koreıa, Japonııadan keıingi óziniń úırenshikti, tórtinshi ornyna (budan tórt jyl buryn Gýanchjoýda qazaqstandyqtar Irandy alǵa jiberip, besinshi satyǵa jyljyp ketken bolatyn) qaıta jaıǵasty. Al jalpy medal sany jóninen 2006 jylǵy Dohadaǵy ozyq kórsetkishke (barlyǵy 85 medal) bir ǵana júlde jetpeı qaldy.