Importty almastyrý: Bıyl 1,5 trln teńgeniń 180 jobasy júzege asady
Qabyldanǵan sharalardyń arqasynda sońǵy jyldary óńdeý ónerkásibi eksportynyń kólemi ósken.
Bul rette Qazaqstannyń ımporttalatyn taýarlardyń edáýir bóligin jergilikti jerde óndirý úshin áleýeti jetkilikti.
«Bul jumysqa el ishindegi kadrlardy, shıkizat pen taýarlardy barynsha jumyldyrý mańyzdy. Úkimet básekege qabiletti kásiporyndardy damytý úshin qolaıly jaǵdaı jasaý jumysyn jalǵastyrady», — dedi Álıhan Smaıylov.
Ónerkásip jáne qurylys mınıstri Qanat Sharlapaevtyń baıandaýynsha, ótken jyldyń 11 aıynyń qorytyndysyna sáıkes óńdeý ónerkásibiniń syrtqy saýda aınalymy 12%-ǵa artyp, $74,2 mlrd-ty quraǵan.
2023 jyly iri tapsyrys berýshiler men otandyq óndirýshiler arasynda jalpy quny 66 mlrd teńgeni quraıtyn uzaq merzimdi 179 shart pen offteık-kelisimshart jasaldy.
Import almastyrýdy yntalandyrý úshin otandyq óńdeýshilerdi qoljetimdi baǵada shıkizatpen qamtamasyz etý mehanızmi iske qosyldy.
Sonymen qatar óńdeý ónerkásibinde ımportty almastyrýǵa jáne eksportqa baǵyttalǵan ınvestıtsııalyq jobalardy iske asyrý boıynsha jumystar júrgizilýde.
Bıyl jalpy quny 1,5 trln teńge bolatyn 180 jobany júzege asyrý josparlanyp otyr.
Nátıjesinde 18 myńnan astam jumys orny ashylady.
Qorytyndylaı kele, Premer-Mınıstr ımport almastyrýdy damytý ekonomıka turaqtylyǵyn qamtamasyz etetin mańyzdy faktor ekenin atap ótti.