Importtalyp otyrǵan 270 mlrd teńgeniń taýaryn otandyq ónimmen almastyrýǵa bolady - QR IDM
Dóńgelek ústeldi Qazaqstan Respýblıkasy Investıtsııalar jáne damý mınıstrliginiń «NADLoC jergilikti quramdy damytý jónindegi ulttyq agenttigi» Shyǵys Qazaqstan oblysy ákimdiginiń qoldaýymen uıymdastyrdy.
Bir alańda «Atameken» aımaqtyq palatasy, «Samuryq-Qazyna Kontrakt» JShS, Eýropalyq qaıta qurý jáne damý banki, KAZMinerals, «Qazaqmys» Korporatsııasy» JShS, «Qazmyrysh» JShS, sonymen qatar oblystaǵy 30-dan astam otandyq kásiporyn ókilderi jınaldy.
Jıyn barysynda sóz alǵan «NADLoC» AQ tóraǵasynyń orynbasary Dmıtrıı Ýsov 2017 jylǵy 3 aqpandaǵy Úkimettiń keńeıtilgen otyrysynda Elbasy elimizdiń árbir iri kásipornynda jergilikti mazmundy ulǵaıtýdy jáne bıznespen birge árbir iri kásiporyn úshin jergilikti mazmundy arttyrý kórsetkishteri boıynsha naqty maqsatty ındıkatorlar belgileýdi tapsyrǵanyn eske saldy. Bul topqa taý-ken sektorynyń 10 kompanııasy men kómirsýtek shıkizaty boıynsha 13 kompanııa kirdi.
«Biz iri jer qoınaýyn paıdalanýshylardyń satyp alýlary boıynsha taldaý jasap, 272 mlrd teńgeniń ımporttalatyn turaqty suranysqa ıe taýarlaryn anyqtadyq, onyń ishinde mashına jasaý salasynda 76 mlrd teńge, metallýrgııada 91 mlrd teńge, hımııa ónerkásibinde shamamen 65 mlrd teńge jáne 39 mlrd teńge basqa salalarda. Bul bizdiń 23 iri kompanııamyzdyń paıdalanatyn turaqty suranys ónimderi. Qazir, bizdiń basty maqsatymyz - búgingi kúni óndirilip otyrǵan taýarlardyń satyp alynýyna qol jetkizý, sondaı-aq jumys istep turǵan óndiristerdi jańǵyrtý»,- dedi D.Ýsov.
Іs-shara barysynda qatysýshylar shaǵyn jáne orta bıznesti qoldaýǵa baǵyttalǵan sharalarmen tanystyryldy.
Eýropalyq qaıta qurý jáne damý banki óndirýshilerge qarjy ınstıtýttary arqyly janama qarjylandyrý men tikeleı qarjylandyrý nemese iskerlik keńes arqyly shaǵyn bıznestiń ósýi men damýyna qoldaý kórsetpek.
EQDB ókiliniń aıtýynsha, bank 10 000 eýroǵa deıin granttar bóledi, bul qarajat óndirýshilerdiń konsýltatsııalyq jobalary qunynyń 50% deıin óteıdi. Kásiporyndardy damytý úshin aqsha bólinedi, mysaly, bıznes-jospardy, tehnıkalyq-ekonomıkalyq negizdeme nemese marketıngtik quraldardy ázirleý úshin bank qaıtarymsyz grant beredi.
Dóńgelek ústel sheńberinde syndarly jáne dáıekti pikir almasý boldy jáne otandyq óndirýshiler men júıe qurýshy kásiporyndar arasyndaǵy yntymaqtastyqty odan ári damytý perspektıvalary talqylandy.
Jınalys taqyrybynyń jalǵasy retinde qatysýshylar Óskemendegi otandyq taýar óndirýshilerdiń óndiristik nysandaryn aralady jáne «Brısol» JShS jáne «Evrogıdroservıs» JShS sııaqty kásiporyndardyń jumysymen tanysty.
Búgingi tańda NADLoC elimizdiń tórt óńirinde osyndaı uqsas semınarlar uıymdastyrdy. Ol - Almaty, Qaraǵandy, Pavlodar jáne Shyǵys Qazaqstan oblystary.
Uıymdastyrýshylardyń aıtýynsha, osyndaı jumystar Qazaqstannyń ózge aımaqtarynda da júrgiziletin bolady, dep habarlaıdy QR IDM «NADLoC jergilikti quramdy damytý jónindegi ulttyq agenttik» AQ.