Importtalǵan asyl tuqymdy mal basymen birge elge túrli aýrýlar keldi - depýtat
«Bul rette, veterınarııa júıesindegi qurylymdyq ózgeristerdiń mańyzdylyǵy týraly aıta otyryp, onyń aǵymdaǵy jaı-kúıin qolaıly dep sıpattaýǵa bolmaıtynyn atap ótken jón. Munyń basty sebebi – ol bir kezderi biryńǵaı veterınarııa júıesiniń bytyrańqylyǵyna, veterınarııalyq ınspektsııanyń qatań vertıkaliniń buzylýyna, onyń qadaǵalaý fýnktsıonalynyń álsireýine alyp kelgen sońǵy jyldardaǵy reformalar. Veterınarııa boıynsha is júzinde barlyq qyzmetter ákimdikterdiń qaramaǵyna berildi. Alaıda, jergilikti jerlerdegi veterınarııalyq is-sharalar negizinen bólingen bıýdjet qarajaty esebinen profılaktıka júrgizýmen shekteledi. Búgingi tańda ınspektorlar juqpaly emes aýrýlar týraly esep úshin is júzinde jaýapqa tartylmaıdy. Janýarlardyń densaýlyǵyn baqylaý úshin eshkim qan bıohımııasyn júrgizbeıdi. Biraq bul qolaıly epızootııalyq jaǵdaı jasaýdyń negizi bolyp sanalady», - dedi E. Barlybaev.
Onyń aıtýynsha, sońǵy jyldary adamdarǵa beriletin janýarlardyń jiti jáne sozylmaly juqpaly aýrýlarynyń ósýi baıqaldy.
«Barlyq jerde qutyrý jáne brýtsellez aýrýlarynyń órshýi baıqalady, osy aýrýlarmen kúreste oń dınamıka joq. Mysaly, 2020-2021 jyldary brýtsellez aýrýynyń sany 2% paıyzǵa ósti. Sonymen qatar, sibir jarasy sııaqty aýrýlar 6 ese, leptospıroz - 5 ese, anaerobty enterotoksemııa – 5 ese, vırýstyq dıareıa jáne ınfektsııalyq rınotrahıt – 113% paıyzǵa ósti», - dedi depýtat.
Onyń sózine qaraǵanda, ımporttyq asyl tuqymdy mal basyn ákelý jónindegi baǵdarlamalardy iske asyrý da kóptegen problemalardy týdyrdy. Olarmen, elge ınfektsııalyq rınotraheıt, blıýtang, nodýlıarlyq dermatıt, Shmalenberg aýrýy jáne vırýstyq dıareıa sııaqty aýrýlar ákelindi.
«Janýarlardyń juqpaly aýrýlary, olardyń ólimi jáne májbúrli soıý, aýrýlardyń saldarynan ónimdiliktiń tómendeýi, vaktsınatsııalaý jáne emdeý shyǵyndary, sondaı-aq karantındik sharalar fermerlerge ǵana emes, sonymen qatar eldiń jaǵdaıyna tikeleı ekonomıkalyq zııan keltiredi. Sonyń ishinde salanyń eksporttyq áleýetiniń tómendeýine áser etedi», - dedi Erlan Barlybaev.