Imanbektiń jańa beıneklıpi shyqty

NUR-SULTAN. QazAqparat – Grammy ıegeri Imanbek Zeıkenov YouTube-kanalynda jańa beıneklıp jarııalady, dep habarlaıdy QazAqparat tilshisi.

Amerıkalyq ánshi Salem Ilese-pen birge túsirgen klıp Married to your melody dep atalady.

Imanbek Zeıkenov pen Salem Ilese birigip jazǵan Married to your melody kompozıtsııasy 9 sáýirde ǵana kópshilikke tanystyrylǵan bolatyn. Araǵa 13 kún salyp kompozıtsııanyń beıneklıpi jarııalanyp otyr.

Eske salsaq, osy aıdyń basynda qazaqstandyq dıdjeı álemdik týryn bastaıtynyn habarlaǵan edi.

Ol týr 8 sáýirde Nıý-Iorkte bastalyp, 25 qyrkúıekke deıin jalǵasady. Barlyǵy 24 kontsert berý josparlanyp otyr. Týr barysynda Imanbek Kanada, Shvetsııa, Norvegııa, Italııa, AQSh, Germanııa jáne Latyn Amerıkasy elderinde kontsert beredi.