Imanbek reseılik Forbes reıtınginde kósh bastady

NUR-SULTAN. QazAqparat – Qazaqstandyq dıdjeı Imanbek Zeıkenov (Imanbek) Reseıde 30 jasqa deıingi tabysty mýzykanttar reıtınginde kósh bastady, dep habarlaıdy QazAqparat tilshisi.

Jerlesimizdiń Forbes reıtıngisinde mýzyka nomınatsııasy boıynsha jeńimpaz atanǵany týraly atalǵan basylymnyń saıtynda kórsetilgen.

Sonymen qatar, álemge az ýaqyttyń ishinde tanylyp úlgergen Imanbek-tiń ómirbaıany, mýzykadaǵy tabysy men jetistigi týraly qysqasha aqparat berilgen.

Reseılik basylym júrgizgen reıtıngte Imanbekten bólek, Vıacheslav Marlov (Slava Marlow), Ilıa Gadaev, Anna Romanovskaıa (Cream Soda) sekildi mýzykanttar da bar.

Jalpy Forbes-tyń «30 jasqa deıingi eń tabysty 30 reseılik» reıtıngi 10 atalymnan turady. Onyń qatarynda kásipkerlik, qarjy jáne ınvestıtsııa, ǵylym jáne tehnologııa, basqarý, sport jáne kıbersport, áleýmettik praktıkter, jańa medıa, mýzyka, óner jáne moda men dızaın atalymy bar.

Eske sala ketsek, osydan sanaýly kún buryn ǵana Imanbek Zeıkenov AQSh-taǵy álemdik deńgeıdegi Billboard Music Awards syılyǵynyń ıegeri atandy.

Odan bólek, qazaqstandyq mýzykant bıylǵy jyldyń naýryz aıynda mýzyka salasynda eń bedeldi Grammy syılyǵyn jeńip alǵan bolatyn.