Imamdar halyqty jat aǵymdardyń áserinen qorǵaýǵa óz úlesin qosyp júr - Prezıdent
Memlekettik keńesshi Erlan Qarın «Imam – izgi qoǵam jarshysy» atty ımamdardyń V respýblıkalyq forýmyna qatysyp, Prezıdent Qasym-Jomart Toqaevtyń quttyqtaý hatyn oqyp berdi.
– Ult sapasyn jaqsartamyz desek, rýhanııat salasyna basa mán berýimiz kerek. Múftııat el taǵdyryna aıryqsha yqpal etetin osy jaýapty jumysqa belsene atsalysyp keledi. Imamdarymyz halyqtyń dinı saýatyn arttyrýǵa, óskeleń urpaqqa ónegeli tárbıe berýge jáne ony jat aǵymdardyń áserinen qorǵaýǵa óz úlesin qosýda, – delingen Memleket basshysynyń quttyqtaýynda.
Erlan Qarın forýmda din men dástúrdiń qoǵamdaǵy mańyzy jaıynda aıtty.
Sóz sońynda halyqtyń birligi men yntymaǵyn arttyrý mańyzdy mıssııa ekenin aıtqan Erlan Qarın barsha din qyzmetkerlerin ortaq mindetti birlesip atqarýǵa shaqyrdy.