Lańkestik shabýyldan Iraktyń bes sarbazy qaza tapty

<p>ASTANA. KAZINFORM &ndash; Dúısenbi kúni &laquo;Islam memleketi&raquo; (Qazaqstanda tyıym salynǵan - <em>red.</em>) sodyrlarynyń Iraktyń shyǵysyndaǵy armııa beketine jasaǵan shabýylynan bir qolbasshy men tórt sarbaz qaza taýyp, taǵy beseýi jaraqat aldy, dep habarlady <a href="https://www.reuters.com/world/middle-east/five-iraqi-soldiers-killed-isis-attack-army-post-eastern-iraq-two-security-2024-05-13/" target="_blank" rel="noopener">Reuters.&nbsp;</a></p>

Basylymnyń Iraktiń qaýipsizdik kózderine silteme jasap habarlaýynsha, shabýyl Irak 2017 jyly ekstremıstik topty túpkilikti jeńgenin jarııalaǵannan keıin birneshe jyl ótken soń sodyrlar belsendiliginiń oshaǵy bolyp qalǵan aýyldyq aımaqtar – Dııala men Salah ad-Dın provıntsııalarynyń arasynda jasalǵan.

Iraktiń Qorǵanys mınıstrligi óz málimdemesinde polkovnık pen «lańkestik shabýylǵa jaýap berý nátıjesinde polktiń birqatar qaharman múshesiniń qazasyn» joqtap jatqanyn málimdedi.

Habarlanǵandaı, qaýipsizdik kúshteri shabýylǵa toıtarys bergen, biraq qurban bolǵandar kóp boldy.

«DAISh uıymynyń (Qazaqstanda tyıym salynǵan - red.) músheleri Salah ad-Dındegi Ál-Dor aımaǵyna qarasty Metebıjde sheıh Muhammed kentindegi 21-shi jedel qolbasshylyqtyń 91-shi dıvızııasy 2-shi brıgadasynyń baqylaý-ótkizý pýnktine shabýyl jasady», - dep habarlady Shafaq News Iraktyń qaýipsizdik ókilderine silteme jasap.

Irak basylymynyń málimetinshe, lańkestik áreketten Irak armııasy brıgadasynyń komandıri men tórt sarbaz qaza taýyp, taǵy segizi jaraqat aldy.

Irakta 2003 jyly AQSh bastaǵan halyqaralyq basqynshylyq pen odan keıingi jyldardaǵy qandy dinaralyq qaqtyǵys haosynan keıin sońǵy jyldary salystyrmaly turaqtylyq ornady.

Reuters agenttiginiń habarlaýynsha, qazir Baǵdad «Islam memleketin» (Qazaqstanda tyıym salynǵan - red.) talqandaýǵa kómektesken. Biraq keıin elde áskerı keńesshiler túrindegi qatysýyn saqtap qalǵan AQSh bastaǵan halyqaralyq koalıtsııany yǵystyrýǵa tyrysyp jatyr.