Ilon Masktyń kompanııasy mıyna chıp salǵan alǵashqy adam oı kúshimen shahmat oınady

<p>ASTANA. KAZINFORM — Ilon Masktiń Neuralink kompanııasy júzege asyryp jatqan jobada taǵy bir jetistik. Mıyna chıp kiriktirilgen naýqas shahmat oınady. Bul jaıynda X (Twitter) jelisinde kásipkerdiń ózi habarlady. </p>

Eske sala keteıik, Ilon Masktyń Neuralink kompanııasy byltyr adamǵa chıp salýǵa ruqsat alǵan. 

Sóıtip alǵash ret bıyl qańtarda adam mıyna ımplantatsııa jasap, chıp salǵan bolatyn. 

Keshe Neuralink chıpi bar naýqas ómirinde birinshi ret shahmat oınap kórdi. Oıynnyń translıatsııasy kompanııanyń áleýmettik jelidegi paraqshalarynan kórsetildi. 

29 jastaǵy Nolan Arbo sal bolyp týǵan, ıyǵynan tómen eshteńe sezbeıdi.

Jas jigit shahmat oınaǵandy unatady, biraq oǵan múmkindigi eshqashan bolmaǵan edi.

Vıdeodan onyń chıptiń kómegimen kompıýter ekranyndaǵy shahmat taqtasynda kýrsor men fıgýralardy oı kúshimen jyljytqanyn kórýge bolady.  

Ol munyń aldynda tyshqannyń kýrsoryn oı kúshimen basqaryp úırengen bolatyn.  

Buǵan deıin Ilon Mask bul tehnologııa aıaq-qolyn basqara almaıtyndar úshin jasalyp jatqanyn túsindirgen edi.