Ilon Masktyń qurylǵysy soqyrlardyń kórýine múmkindik beredi

<p>ASTANA. KAZINFORM &ndash; Ilon Masktyń Neuralink kompanııasy mıdyń kórý qyrtysy zaqymdanbaǵan soqyrlardyń kórý qabiletin qalpyna keltiretin Blindsight qurylǵysyna ruqsat aldy, dep jazady <a href="https://www.indiatoday.in/science/story/elon-musk-neuralink-approval-blindsight-device-us-fda-vision-restoration-2601696-2024-09-18" target="_blank" rel="noopener">India Today.</a></p>

Tesla bas dırektory Ilon Mask óziniń mı chıpi Neuralink startapy AQSh-tyń Azyq-túlik jáne dári-dármek basqarmasynan «tipti eki kózi men kórý júıkesin joǵaltqandardyń da kórýine múmkindik beretin» tájirıbelik ımplantatsııalanatyn qurylǵyǵa ruqsat alǵanyn habarlady.

– Neuralink's Blindsight qurylǵysy eki kózi men kórý júıkesin joǵaltqandarǵa da kórýge múmkindik beredi. Mıdyń kórý qyrtysy zaqymdanbaǵan jaǵdaıda, ol tipti týǵannan zaǵıp bolǵandardyń da birinshi ret kórýine múmkindik beredi, - dep jazdy Ilon Mask H áleýmettik jelisindegi paraqshasynda.

Ilon Mask kórýdiń bastapqy sapasyn ertedegi beıne oıyn grafıkasy retinde sıpattady, biraq bolashaqta ol tabıǵı kórý qabiletinen, sonyń ishinde ınfraqyzyl, ýltrakúlgin nemese radıolokatsııalyq tolqyn uzyndyǵyn qabyldaý qabiletinen asyp túsýi múmkin dep boljady.