Ilon Mask Twitter logotıpin ózgertedi

ASTANA. QazAqparat - Twitter áleýmettik jelisiniń ıesi Ilon Mask brendtiń logotıpin ózgertetinin jarııalady, dep habarlaıdy QazAqparat.

Rebrendıng jaıynda ol óz paraqshasynda habarlady.

«Jaqynda Twitter brendimen jáne birte-birte búkil qustarmen qoshtasamyz», - dep jazdy ol.

Jeli ıesi óz paraqshasynda jańa logotıptiń keıbir nusqalaryn usyndy.

Ilon Masktyń aıtýynsha, qus X-pen almastyrylady. Óıtkeni bul adamdardyń minsiz emestigin, kemshiliksiz jan bolmaıtynyn bildiredi.

«Bul bizdi osyndaı biregeı etip turǵan búkil kemshilikterdi kórsetedi», - deıdi ol.

Ol óz nusqasyn usynyp qana qoımaı, qoldanýshylardy jańa logotıpke úmitker usynyp, ishinen úzdigin tańdaýǵa atsalysýǵa shaqyrdy.

«Eger búgin keshke bárine unaıtyn ońtaıly logotıp tabylsa, kúni erteń búkil álem boıynsha rebrendıng jasalady» dep jazdy Ilon Mask.