Ilon Mask Twitter-diń dırektorlar keńesin taratty
Bul týraly dúısenbi kúni AQSh Baǵaly qaǵazdar jáne bırjalar jónindegi komıssııasynyń (SEC) bazasynda jarııalanǵan qujattarda aıtylǵan, dep habarlaıdy QazAqparat reseılik TASS agenttigine silteme jasap.
«27 qazanda birigý týraly kelisim nátıjesinde Mask myrza Twitter-diń jalǵyz dırektory boldy. Mámile aıaqtalǵan sátte birigý jónindegi kelisimniń talaptaryna sáıkes osyǵan deıin dırektor bolǵan tulǵalar qyzmetin toqtatty», - delingen qujattardyń birinde.
Áleýmettik jeliniń negizin qalaýshylardyń biri Djek Dorsı kompanııadaǵy aktsııasynyń 2,4% úlesin saqtap qaldy. Qazirgi ýaqytta onyń jalpy naryqtyq quny shamamen 1 mıllıard dollardy quraıtyn 18 mıllıonnan astam aktsııasy bar.
Buǵan deıin Mask Twitter-di satyp alǵannan keıin kompanııa basshylyǵynyń birneshe múshesin, sonyń ishinde bas dırektor Paraga Agraval men qarjy dırektory Ned Segaldy jumystan shyǵarǵany habarlanǵan bolatyn.
Ashy q k ó zderden alyn ǵ an foto