Ilon Mask Twitter-di satyp alsa kompanııanyń 75% qyzmetkerin qysqartpaq
The Washington Post gazeti óziniń aqparat kózderi men qujattarǵa siltememen habarlaǵandaı, kompanııany kim satyp alsa da aldaǵy aılarda qyzmetkerler sany men jalaqy tóleý qory qysqartylady.
Áleýmettik jeli sondaı-aq ınfraqurylymyn da, atap aıtqanda derekterdi óńdeý ortalyqtaryn da qysqartady.
Basylym málimetinshe, Twitter-de qazir 7,5 myń qyzmetker jumys isteıdi. Eger Ilon Mask jospary júzege assa, kompanııada 2 myńǵa jýyq jumysker qalady. Twitter qyzmetkerlerin qysqartady degen aqparatty joqqa shyǵaryp otyr.
Bıyldyń eń kóp kútilgen mámilelelriniń biri aldaǵy aptada aıaqtalýy múmkin. Mask áleýmettik jelini $44 mlrd somaǵa satyp alýǵa nıetti ekenin sáýirde málim etip, mamyrda kompanııadan feık akkaýnttar jaıly aqparatty suratqan bolatyn. Ony almaǵan soń bıznesmen kompanııany satyp alýdan bas tartatynyn málimdegen edi. Sol kezde Twitter Maskty sotqa bergen. Qazannyń basynda Mask kelissózderdi qaıta jalǵastyrdy. Sot oǵan satyp alý týraly mámileni aıaqtaýǵa 28 qazanǵa deıin ýaqyt berdi.
Eske salsaq, jýyrda amerıkalyq kásipker Ilon Mask Twitter-di bastapqy baǵamen satyp alý kelisimin uzartýdy usyndy. Sáýir aıynda Mask áleýmettik jelini 44 mlrd dollarǵa satyp alýdy usyndy. Biraq shildeniń basynda zańgerler kompanııany Twitter jalǵan profılder týraly senimdi aqparat bermegendikten satyp alýdan bas tartqanyn habarlady.