Ilon Mask kompanııasy Qazaqstan aýyldaryndaǵy 2 myń mektepti ınternetke qosady

<p>SpaceX kompanııasy Qazaqstan aýyldaryndaǵy 2000 mektepti ınternetpen qamtamasyz etedi.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly Tsıfrlyq damý, ınnovatsııalar jáne aeroǵarysh ónerkásibi mınıstrligine silteme jasap habarlaıdy.</p>

«Aldyn ala kelisim boıynsha Starlink kompanııasymen SpaceX tehnologııasynyń kómegimen aýyldaǵy 2000 mektepti ınternetke qosý josparlanyp otyr.

Búgin Digital bridge forýmynyń alańynda SpaceX Starlink bıznes-operatsııalary jónindegi dırektory Loren Dreıer Qazaqstandaǵy 2000 aýyldyq mektepke joǵary jyldamdyqty ınternetti qosý boıynsha yntymaqtastyqty usyndy.

Ýaǵdalastyqtardyń kelesi kezeńderi týraly qosymsha habarlanatyn bolady», - delingen mınıstrliktiń baspasóz qyzmeti usynǵan málimette.

Aıta keteıik, Digital bridge forýmy aıasynda Memleket basshysy Qasym-Jomart Toqaev SpaceX kompanııasynyń Starlink máseleleri jónindegi vıtse-prezıdenti Loren Dreıermen kezdesti. L. Dreıer StarLink kompanııasynyń Qazaqstandaǵy qyzmetin keńeıtý jónindegi jospary, atap aıtqanda, elimizdiń shalǵaı aýyldaryn spýtnıktik ınternetpen qamtamasyz etý jobasy týraly aıtty.

Sondaı-aq búgin belgili bolǵandaı, elimizde jumysqa qaǵaz anyqtamasyz ornalasý múmkindigi jasalady.

Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń aıtýynsha, aldaǵy ýaqytta QR-kodpen jumysqa ornalasyp, eńbek kelisimshartyna qol qoıýǵa bolady.