Ilon Mask Qytaıǵa ne úshin bardy

<p>ASTANA. KAZINFORM &ndash; Tesla kompanııasynyń bas dırektory Beıjińde QHR premer-mınıstrimen ózin-ózi basqarý júıesin (FSD) iske qosý, sondaı-aq derekterdi shetelge tasymaldaýǵa ruqsat berý máselecin talqylady, dep habarlaıdy <a href="https://ru.euronews.com/business/2024/04/29/elon-musk-in-china" target="_blank" rel="noopener">Euronews.</a>&nbsp;</p>

Tesla-nyń bas dırektory Ilon Mask Beıjińge Qytaı halyqaralyq saýdany ilgeriletý keńesiniń shaqyrýymen keldi. 

Qytaı – Tesla úshin ekinshi úlken naryq.

Shanhaıda kompanııanyń AQSh-tan tys jerde ornalasqan alǵashqy avtomobıl zaýyty ornalasqan, ol ótken jyly shamamen 947 myń kólik jetkizgen.

Qytaı premer-mınıstri Lı Tsıanmen kelissóz barysynda Mask ózin-ózi basqarý júıesin (FSD) iske qosý, sondaı-aq derekterdi shetelge tasymaldaýǵa ruqsat berý máselein talqylady. 

Mask Qytaıǵa jahandyq avtoóndirýshiler Beıjiń avtosalonynda ózderiniń sońǵy úlgilerin, ásirese elektr kólikterin jarnamalaǵan kezde keldi.

Qytaı avtomobıl óndirýshileri qaýymdastyǵynyń derekteri Qytaı naryǵyna shekteýli jyldamdyqpen jergilikti saıahatqa arnalǵan NEV (Neighbourhood Electric Vehicle) elektr kólikteriniń jalpy álemdik satylymynyń shamamen 65% keletinin kórsetip otyr.