Ilon Mask Germanııadaǵy Tesla zaýytyn órtegenderdi «topas ekoterrorıster» dep atady

<p>ASTANA. KAZINFORM &mdash; Ilon Mask elektromobıl óndirisiniń toqtaýyna sebep bolǵan Berlın mańyndaǵy Tesla zaýytyna órt qoıý áreketin aqymaqtyq dep atady, dep jazady <a href="https://www.bbc.com/russian/articles/c517dlz4q10o" target="_blank" rel="noopener">VVS.</a>&nbsp;</p>

Órteý jaýapkershiligin zaýytta artyq jumys kúshi men resýrs paıdalanyldy dep sanaıtyn ýltra solshyl top óz moınyna aldy.

Kompanııanyń ózi óndiristiń kelesi aptaǵa deıin qaıta bastalýy ekitalaı ekenin jáne toqtap qalǵan zalal toǵyz tańbaly somaǵa baǵalanatynyn habarlady.

Tesla Germanııadaǵy óndirisin eki ese arttyrǵysy keledi, biraq bul jospar ekologtardyń narazylyǵyn týǵyzdy.

X áleýmettik jelisindegi jazbasynda Mask órteý áreketine qatysty nemistiń «extrem dumm» sózin qoldana otyryp, ony «óte aqymaq» bastama dep atady.

«Olar — álemdegi eń essiz ekoterrorıster nemese durys ekologııalyq maqsat qoıa almaıtyndardyń qolyndaǵy qýyrshaqtar», -dep jazdy ol.

Óz kezeginde ózderin Volcano Group dep ataıtyn belsendiler kompanııany jerasty sýyn lastady jáne aýyz sýdy tym kóp paıdalandy dep aıyptady.