Ilon Mask bankrotqa ushyraǵan iri bankti satyp almaq

ASTANA. QazAqparat – Tesla men SpaceX-ti basqaratyn jáne Twitter-diń ıesi Ilon Mask bankrotqa ushyraǵan Silicon Valley Bank-ti (SVB) satyp alý ıdeıasyn pysyqtamaq, dep habarlaıdy QazAqparat tilshisi.

Atap aıtqanda, jaqynda áleýmettik jelide Twitter kompanııasyna AQSh-taǵy Silicon Valley Bank-in satyp alyp, ony elektrondy bankke aınaldyrý týraly usynys aıtylǵan bolatyn. Óz kezeginde Ilon Mask bul ıdeıany qarastyryp, talqylaýǵa daıyn ekenin jarııalady.

Budan buryn habarlanǵandaı, AQSh-tyń iri banki Silicon Valley salymshylar, tehnologııalyq jáne venchýrlyq kompanııalardyń qyzmetkerleri aqshalaryn qaıtaryp alý týraly sheshim qabyldaǵannan keıin, bankrotqa ushyrady. Bul – on jyldan astam ýaqyt buryn qarjylyq daǵdarystyń shyńyna jetken Washington Mutual bankiniń sátsizdiginen keıingi AQSh tarıhyndaǵy ekinshi iri banktiń quldyraýy. Sondaı-aq, Silicon Valley iriligi jaǵynan eldegi 16-orynda turǵan bank boldy.