Ilon Mask amerıkalyq saılaýshylarǵa aqsha taratty

<p>ASTANA. KAZINFORM &ndash; 5 qarashada ótetin prezıdenttik saılaýda Donald Trampty belsendi túrde qoldap júrgen mıllıarder Ilon Mask &laquo;qubylmaly&raquo; shtattarda tirkelgen saılaýshylarǵa sóz bostandyǵyn qoldaıtyn petıtsııaǵa qol qoıǵany úshin aqsha tólegendi jón kórdi. Bul bastama zańgerler arasynda suraqtar týdyrdy, biraq olar bul zańdy álde zańsyz ba, Mask zańdarda aıla paıdalanyp jatyr ma degen suraqtarǵa bir jaýap tapqan joq, dep jazdy&nbsp;<a href="https://www.bbc.com/russian/articles/cm292d91en5o?ocid=wsrussian.social.in-app-messaging.telegram..russiantelegram_.edit" target="_blank" rel="noopener">VVS</a>.&nbsp;</p>

Keıbir sarapshylardyń shamalaýynsha, mundaı áreketter saılaýshy retinde tirkelý úshin aqsha usynýǵa tyıym salatyn AQSh zańdaryna qaıshy bolýy múmkin. 

AQSh-ta saılaýda daýys berý úshin aldyn ala tirkelý kerek. Eki kandıdat Kamala Harrıs pen Donald Tramptyń lagerleri óz jaqtastaryn tirkelip, daýys berýge qatysýǵa shaqyrady.

«Meniń oıymsha, Masktyń bul áreketi zańsyz bolýy múmkin», - dedi Djordj Vashıngton ýnıversıtetiniń quqyqtaný professory Pol Shıff Berman. 

Ol AQSh-tyń Saılaý kodeksine sáıkes, «saılaýda tirkelý nemese daýys berý úshin aqy tólegen ne tóleýdi usynatyn, nemese aqy alatyn» adamǵa 10 myń dollarǵa deıin aıyppul salynatynyn nemese ol bes jylǵa bas bostandyǵynan aıyrylatynyn eske saldy. 

«Onyń usynysy tek tirkelgen saılaýshylar úshin jaramdy, sondyqtan bul erejege qaıshy keledi dep oılaımyn», - dedi professor Berman.  

AQSh Ádilet mınıstrligi Masktyń bul bastamasyna túsinik berýden bas tartty. Federaldyq saılaý komıssııasy (FSK) bul saýalǵa qatysty áli jaýap bergen joq.