Ilon Mask álem tarıhyndaǵy eń baı adam boldy
Forbes dúısenbi kúngi qor bırjasynyń jabylýynda Mask aktıvteriniń taza qunyn 271,3 mlrd dollarǵa baǵalady, bul Tesla aktsııalarynyń 13 paıyzǵa qymbattaýyna baılanysty juma kúngi jabylýmen salystyrǵanda shamamen 41,7 mıllıard dollarǵa kóp. Onyń taza kapıtaly bir kúnde 41 mıllıard dollardan astam ósti. Ilon Masktyń dáýleti 300 mıllıard dollarǵa jaqyndady.
Al salystyra ketsek, Amazon kompanııasynyń negizin qalaýshy jáne burynǵy bas dırektory Djeff Bezos osy aıdyń basynda Forbes 400 nusqasy boıynsha Amerıkanyń eń baı adamdarynyń reıtıngisinde kósh bastaǵan bolatyn. Onyń baılyǵy 201 mıllıard dollarǵa baǵalandy. Shildede Bezostyń dáýleti 212 mıllıard dollardan asty.
Aıta keterligi, Forbes alǵash ret 1982 jyly mıllıarderlerdiń dáýletin baqylaı bastady. Sol kezde Amerıkadaǵy eń baı adam keme magnaty Denıel Lıýdvıg boldy, onyń baılyǵy 2 mıllıard dollar nemese qazirgi baǵamen 5,5 mıllıard dollar bolǵan edi.
Tesla-daǵy Masktyń 21 paıyzdyq úlesi (nesıelik mindettemelerdi esepke almaǵanda) onyń baılyǵynyń negizgi bóligi, biraq ol 2002 jyly qurylǵan jeke SpaceX kompanııasynda mınorıtarlyq úleske ıe. Jaqynda bıznesti ınvestorlar 74 mıllıard dollarǵa baǵalady. Ońtústik Afrıkada týǵan mıllıarder óz baılyǵyna qaramastan, salystyrmaly túrde qarapaıym jaǵdaıda turyp jatyr. Masktyń negizgi rezıdentsııasy Tehas shtatynyń Boka-Chıka qalasynda kólemi bir bólmeli páterdeı ǵana úıdi jalǵa alǵan. Sol shtatta SpaceX óziniń Starships ǵarysh kemesin shyǵarady. Mask Tehasta birjola qonystanýy múmkin. qazan aıynyń basynda Tesla-nyń shtab páterin Palo-Altodan Ostınge kóshirý jospary bar ekenin jarııalaǵan bolatyn.
Avtory Janna Nurmaǵanbetova