Ilon Mask AQSh-tyń bankrot bolýy múmkin ekenin eskertti

<p>ASTANA. KAZINFORM &ndash; Álemdik mıllıarder Ilon Mask eger AQSh memlekettik shyǵynyn azaıtpasa bankrotqa ushyraıtyny týraly aıtty. Bul týraly ol X <a href="https://x.com/elonmusk" target="_blank" rel="noopener">áleýmettik jelisind</a>e jazdy.&nbsp;</p>

Kásipker barlyq salyq túsimderin memleket qaryzy úshin tóleýge bolatynyn, áıtpese qazynanyń bos qalatynyn basa aıtty.

Buǵan deıin AQSh qaryzy 2024 jyldyń 3 qazanyndaǵy jaǵdaı boıynsha 35 677 760 608 035 dollarǵa deıin óskeni týraly jazǵan bolatynbyz. 

Kongrestiń bıýdjettik keńsesiniń sońǵy derekteri aldaǵy onjyldyqta ulttyq qaryz 54 trln dollarǵa deıin ósetinin kórsetip otyr, bul halyqtyń qartaıýy men federaldy densaýlyq saqtaý shyǵyndarynyń qysqarýyna ákeledi.

Sarapshylardyń pikirinshe, eger bul boljam oryndalsa, Amerıkanyń ekonomıkalyq jaǵdaıyna qaýip tónedi.

Buǵan deıin Mask qarasha aıynda ótetin AQSh prezıdenttik saılaýynda respýblıkashyl kandıdat Donald Tramp jeńilip qalsa, bul AQSh úshin sońǵy saılaý bolýy múmkin degen pikirin bildirgen. 

Sondaı-aq ol X áleýmettik jelisiniń ıesi saılaýaldy jıynǵa jınalǵandardy 5 qarashada ótetin saılaýda Trampty qoldaýǵa shaqyrdy.