Іlııas Smaıylov: Áskerı jıynǵa shaqyrý - qoǵam qaýipsizdigin qamtamasyz etý úshin qajetti shara

NUR-SULTAN. QazAqparat - Áskerı jıynǵa shaqyrý - qoǵam qaýipsizdigin qamtmasyz etý úshin qajetti shara. Mundaı pikirdi Qaraǵandy memlekettik tehnıkalyq ýnıversıtetiniń stýdenti «Jas orda» jastar qaýymdastyǵynyń tóraǵasy Іlııas Smaıylov bildirdi, dep habarlaıdy QazAqparat tilshisi.

«Qazaqstan Prezıdentiniń áskerı mindettilerdi arnaýly jıynǵa shaqyrý týraly Jarlyǵy karantın jaǵdaıynda qoǵkmdyq qaýipsizdikti qamtamasyz etý úshin qajetti shara. Memleket basshylyǵy elimiz qalypty tynys-tirshiligine qaıta kelýi úshin barlyq resrýstardy qoldanyp jatyr», - dedi qaýymdastyq tóraǵasy.

Sonymen qatar ol mundaı jıyndar jalpy qabyldanǵan tájirıbe ekendigin basa aıtty.

«Ótken jyly áskerı kafedrany bitirip, Qaraǵandy memlekettik tehnıkalyq ýnıversıtetinde jalpydalalyq áskerı jıynnan óttim. Oqytýshylarymyz barlyq ýaqytta da kez kelgen sátte áskerı qyzmetke nemese kezekten tys jıynǵa shaqyrýy múmkin ekendigin túsindirgen edi. Olar mundaı jaǵdaıǵa barlyq ýaqytta daıyn bolýy kerektigin de eskertip otyratyn», - dedi Іlııas Smaıylov.

«Jas orda» jastar qaýymdastyǵynyń tóraǵasy qajettilik týyndaǵan sátte Otan aldyndaǵy boryshyn óteýge daıyn ekendigin aıta kele elimizdiń barlyq jastarynda soǵan úndedi.

Esterińizge sala ketsek, keshe Qazaqstan Prezıdenti áskerı mindettilerdi arnaýly jıynǵa shaqyrý týraly Jarlyq shyǵarǵan bolatyn.