Іlııa Jaqanov: Bul saılaý birligimizdi bekite tústi

ATYRAÝ. QazAqparat – Belgili kompozıtor, óner zertteýshisi Qazaqstan men Qyrǵyzstannyń eńbek sińirgen qaıratkeri, «Otan» ordeniniń ıegeri Іlııa Jaqanov búgingi saılaýdyń burynǵydan ózgeshe birneshe sebebin aıtyp berdi, dep habarlaıdy QazAqparat.

«Qazaqta «Yrys aldy – yntymaq» degen bar. Álemde yntymaǵy setinegen, birligine syna qaǵylǵan el az ba? Sondaı elderdiń halqy jahan jurtyna alaqanyn jaıyp, pana bolar el izdep, bosyp júr. Osy turǵydan aıtqanda, ulan-ǵaıyr dalamyzdy meken etken halqymyzdyń yntymaǵy artyp, birligi bekemdelip keledi. Búgingi saılaýda sol yntymaq pen birliktiń shynaıy kórinisi saltanat qurǵanyn anyq baıqadyq» -deıdi kompozıtor Іlııa Jaqanov.

Onyń aıtýynsha, buǵan deıin talaı saılaýǵa qatysqan. Alaıda, bul jolǵy saılaýdyń jóni tipten bólek.

«Birinshiden, árıne kezekten tys emes, zań talabyna saı ótip jatyr. Ekinshiden, el táýelsizdiginiń 30 jyldyq mereıtoıy qarsańynda ótýimen erekshelenip otyr. Ras, osy kezeńde elimizdiń saıası arenadaǵy ustanymy, áleýmettik-ekonomıkalyq baǵdary aıqyndaldy. Ekonomıkany eńselendirý maqsatynda jańashyl reformalar qolǵa alyndy. Jasampaz ister atqaryldy. Jetistigimiz az bolǵan joq.

Úshinshiden, bul saılaýda dodaǵa túsken saıası partııalardyń saılaýaldy baǵdarlamasy jańardy. Tipti keıbiriniń ataýy ózgerdi. Saıası partııalar arasynda saıası, ári ádil básekelestik qalyptasty. Ony ár partııanyń ókilderine elektoratpen kezdesýge shekteý jasalmaǵanynan baıqaımyz.

Tórtinshiden, alǵash ret parlamenttik saılaýda áıelder men jastar úshin 30 paıyzdyq kvota qarastyryldy. Osynyń ózi eldiń taǵdyryna áser etetin zań shyǵarýshylardyń qatary jańa saıasatkerlermen, jańa býynmen tolyǵatynyn baıqatyp otyr.

Besinshiden, Parlament Májilisi men máslıhat depýtattarynyń saılaýy birinshi ret birge ótti. Demek, bul – osy saılaýdyń burynǵydan ózgeshe ekeniniń taǵy bir kórinisi» degen oıymen bólisti Іlııa Jaqanov.

Kompozıtor osynyń bárin saralaı kele, eldiń bolashaǵy búgingiden de jarqyn bolaryna senimim mol ekenin.

Óıtkeni budan bylaı eldiń keleshegine alańdaıtyn, sapaly zań shyǵarýǵa yqpal etetin otanshyl azamattar Parlament Májilisi men ár deńgeıdegi máslıhattardyń depýtaty bolary anyq.

Eske sala ketelik, buǵan deıin Atyraýdaǵy ýchaskede saılaýshylarǵa shubat pen baýyrsaq usynylatynyn jazǵan edik.