Іle Alataýynyń shyńyna jalǵyz shyqqan er adam izdestirilýde

ALMATY. QazAqparat – Іle Alataýy taýlarynda Mánshúk Mámetova shyńyna jalǵyz attanǵan er adam izdestirilýde. Bul týraly QazAqparat TJM silteme jasap habarlaıdy.

18 shildede Respýblıkalyq jedel-qutqarý jasaǵynyń kezekshi bólimine Almaty qalasynyń Tótenshe jaǵdaılar departamentinen er admnyń taýda joǵalǵandyǵy týraly habarlama kelip tústi.

Mánshúk Mámetova kólinde túnegen 27 jastaǵy jas jigit tańerteń shyńǵa kóteriletinin aıtqan. Keshke jaqyn týrıst dosyna habarlasyp shyńdy baǵyndyrǵandyǵyn, degenmen oǵan kómek qajet ekendigin jáne ózdiginen túse almaıtyndyǵyn eskertken. Osydan keıin er adammen baılanys úzilgen. Oqıǵa ornyna 1 birlik avtotehnıka, 6 adamnan turatyn RJQJ jedel toby shyqty. RJQJ qutqarýshylary alpınızm federatsııasynyń (Tuıyqsý bazasy) alpınısterimen birlesip, izdestirýdi bastady. Alpınısterden 2 adam jumyldyryldy. Jedel top R№ 6 kóline deıin jetip, M.Mámetova shyńyna qaraı jaıaý júrip shyqty.

ROSO qutqarýshylary muzdyqtyń túbin barlap, muzdaqtardy qarap shyqty. Alpınıster M.Mámetova jotasynyń qyrqasyn asyp ótti.

Belgili bolǵandaı, týrıst «Qazseldenqorǵaý» jumysshylaryna sómkesin qaldyryp, 18 shilde kúni túske qaraı qaıtatynǵyn aıtyp, sol qalpy oralmaǵan.

Búgin tańerteń RJQJ-nyń ekinshi jedel toby 7 adam men 1 birlik avtotehnıka quramynda birinshi toppen aýysty. Qazirgi ýaqytta izdestirý-qutqarý jumystary jalǵasýda, Respýblıkalyq jedel-qutqarý jasaǵynyń qutqarýshylary Qazavıaqutqarý AQ bortynda M.Mámetova shyńyn ushyp ótýde.