Іle-Alataýy ulttyq parkinde sırek kezdesetin Sıvers alma aǵashynyń júz kósheti otyrǵyzyldy
Bul týraly QazAqparat QR Ekologııa, geologııa jáne tabıǵıs resrýstar mınıstrliginiń resmı saıtyna silteme jasap habarlaıdy.
Kóshetterdi otyrǵyzý aktsııasy Ulttyq parkterdi qoldaý qoǵamdyq qorynyń jetekshisi Sergeı Spıtsynnyń bastamasymen uıymdastyryldy. Ol buǵan deıin Іle-Alataý ulttyq parkiniń túrli shatqaldarynda birqatar jaıaý júrginshiler joly, jaıaý júrginshiler kópiri jáne týrıstik ınfraqurylym nysandaryn memlekettiń qarajatynsyz ornatqan bolatyn.
Aktsııaǵa ekologııalyq qoǵamdastyqtyń ókilderi qatysty. Olardyń ishinde «Tabıǵat» Qazaqstan qaýymdastyqtary men kásiporyndarynyń ekologııalyq odaǵynyń basshysy Mels Eleýsizov, «Qazekologııa» respýblıkalyq ǵylymı-óndiristik jáne aqparattyq ortalyǵynyń jetekshisi Amangeldi Yskaqov sekildi bedeldi ekologtar, sonymen qatar tabıǵatqa beı-jaı qaramaıtyn basqa da el azamattary bar.
Sıvers alma aǵashy Іle Alataýynda, Qazaqstannyń ońtústiginde jáne shyǵysynda birneshe myń jyldan beri ósedi, Qyzyl kitapqa engen.
Ekologtardyń pikirinshe, ony sırek kezdesetin túr retinde, elimizdiń sımvoly retinde saqtaý, odan ári jandandyrý jáne qorǵaý úshin kóp jumys atqarý qajet.
- Búginde kópshiligimiz ulttyq parkke barýdy káýap jeıtin jer dep túsinetinimizdi moıyndaýymyz qajet. Mundaı demalystan keıin únemi taý bop úıilgen qoqys pen kesilgen aǵashtar ǵana qalatynyna bárimiz kýámiz. Al ulttyq parkke barýdyń sheteldik tájirıbesi múlde basqa. Bul degenimiz eń áýeli janýarlar men ósimdikterdiń tirshiligi týraly tanyp-bilý, sondaı-aq jaýapty ekologııalyq týrızm», - dedi Mels Eleýsizov.
Osy rette, aktsııa barysynda atap ótilgendeı, jaqyn ýaqytta Іle-Alataýy ulttyq parkine kelýshilermen tárbıe jumysy uıymdastyrylmaq. Jaqynda Aıýsaı shatqalynda zamanaýı jáne ekologııalyq taza saparlaý ortalyǵy paıda bolyp, onda kelýshilerge ulttyq saıabaqta qandaı ósimdik ósetini, qandaı janýarlar mekendeıtini týraly aqparat berý jumysy bastalady. Balalarǵa arnalǵan qyzyqty sabaqtar men eresekterge ekskýrsııalar uıymdastyrylady.
Sondaı-aq, burynnan bar jaqsy dástúrlerdi qaıta jańartý, sonyń ishinde aınalma serýendeý jolyn jasaý josparlanýda. Bul jerde kelýshilerge marshrýttyń uzyndyǵy men kúrdeliligi, navıgatsııasy, demalý jáne kórý alańdary týraly barlyq qajetti aqparat usynylady. Sonymen qatar, barlyq jol tegin bolady. Saparlaý ortalyǵyna barý úshin qosymsha aqy alynbaıdy.
- Bizdiń aktsııamyzdyń ıdeıasy – jaqyn ýaqytta Ulttyq saıabaqtyń saparlaý ortalyǵynyń janynan shatqalda Sıvers alma aǵashy baǵyn ósirý. Kelýshiler osy jerde demalyp, saıabaq florasymen tanysa alar edi. Al mektep oqýshylaryna ekologııalyq bilim berý sabaǵyn ótkizýge bolady, - deıdi Sergeı Spıtsyn.
Іle-Alataýy ulttyq parkiniń pıtomnıgine otyrǵyzý úshin kóshetter satyp alyndy. Mundaǵy oı – sırek kezdesetin endemıkalyq ósimdikterdi ósirý jáne qalpyna keltirý.
Aktsııa ál-Farabı atyndaǵy Ulttyq ýnıversıtettiń qoldaýymen ótkizildi.