Ilıa Ilın men Denıs Ten «QHA-yna 20 jyl» medalimen marapattaldy
Bul týraly búgin QR Mádenıet jáne sport mınıstrliginde Rıo-de-Janeıroda 2016 jyly ótetin XXXI Jazǵy Olımpıadaǵa daıyndyq barysy talqylanǵan jıynda málim boldy.
Qazaqstan Prezıdentiniń Jarlyǵyna sáıkes, qoǵamdyq kelisimge qosqan úlesteri úshin "Qazaqstan halqy Assambleıasyna 20 jyl" medali Ilıa Ilın, Denıs Ten, short-trekten ulttyq qurama bapkeri Madyǵalı Qarsybekov, aýyr atletıkadan álem chempıony Jasulan Qydyrbaev, QR boks bapkeri Aleksandr Strelnıkov pen erkin kúresten Qazaqstannyń sport sheberi Islam Baıramuqovqa tabys etildi.
Nagradalardy QR Mádenıet jáne sport vıtse-mınıstri Sáken Musaıbekov tabystady. Rásimge Denıs Ten, Ilıa Ilın men Islam Baıramuqov túrli sebepterge baılanysty qatysa almady.
Aıta keteıik, eldegi qoǵamdyq kelisimniń nyǵaıýyna, Qazaqstan halqynyń birligin qamtamasyz etýge eleýli úles qosqan Qazaqstan Respýblıkasynyń azamattary men shetel azamattaryn kótermeleý maqsatynda, sondaı-aq Qazaqstan halqy Assambleıasynyń 20 jyldyǵynyń qurmetine oraı, bıyl Elbasy Jarlyǵymen "Qazaqstan halqy Assambleıasyna 20 jyl" medali taǵaıyndalǵan bolatyn.