Ilıa Ilın Aýyr atletıka federatsııasyn basqarǵysy keledi

ASTANA. QazAqparat – Dańqty aýyr atlet Ilıa Ilın elimizdiń Aýyr atletıka federatsııasy prezıdenti laýazymyna kandıdatýrasyn usyndy, dep habarlaıdy QazAqparat tilshisi.

«Komandammen birge federatsııany qolǵa alýǵa daıynmyn. Iá, meniń mıllıondaǵan qarajatym joq, baı adam emespin. Biraq, sporttyń bul túriniń uńǵyl-shuńǵylyn jetik bilemin. Qoldaýlaryńyzdy ótinemin. Mindet júkteńizder, Olımpıada chempıondaryn tárbıelep shyǵaıyq», - dedi Ilıa Ilın Mádenıet jáne sport mınıstrliginiń keńeıtilgen alqa otyrysynda.

Osy oraıda ol ózine aýyr atletıka jattyqtyrýshylary habarlasqanyn jetkizdi.

«Bul - elimizge medaldi eń kóp ákeletin sport túriniń biri ári ony saqtaýymyz qajet. Keshe maǵan jattyqtyrýshylar habarlasyp: «Ilıa, birdeńe isteý kerek» dedi. Olar bir komanda bolyp ashyq ári nátıjeli jumys isteýdi, qordalanǵan problemalardy sheshýdi usynyp otyr. Al problema jetkilikti. Medal ákelsek, artynan ile-shala dopıng daýyna urynamyz. Sportshylarmyz 3 jylǵa deıin úlken jarystardan shettetiledi», - dedi sportshy.