Ilınka men Úrker turǵyn alabyna qashan gaz tartylady

NUR-SULTAN. QazAqparat - Elordanyń janyndaǵy Ilınka men Úrker turǵyn alabyna 2023 jylǵa deıin tolyq gaz tartylady. Bul týraly Nur-Sultan qalasy ákiminiń orynbasary Ermek Qızatov aıtty, dep habarlaıdy QazAqparat tilshisi.

«Gaz máselesi qazir Ilınka men Úrker turǵyn alaby turǵyndaryn erekshe alańdatyp otyr. Olardyń barlyǵy gazdyń qashan jetkiziletindigin suraıdy. Bul aýdanda jıi jumys istep, kóptegen problemalardy sheship júrgennen keıin bilemin. Qazirgi ýaqytta Ilınka men Úrker turǵyn alaptaryn gazdandyrý josparǵa saı tolyq qosylǵandyǵyn aıtyp sendire alamyn. Búginde jobalyq-smetalyq qujattary daıyndalyp jatyr. 2021 jyldyń 2-toqsanynda daıyn jobalyq-smetalyq qujatyn alýymyz kerek», - dedi ol Nur-Sultan qalalyq máslıhatynyń otyrysynda.

Onyń atap ótýinshe, 2021 jyly atalǵan turǵyn alaptarǵa gaz tartý jumysyn qolǵa alý josparlanǵan.

«Eki aýdandada gaz tartý jumystaryn 2022-2023 jyldary tolyǵymen aıaqtaýdy kózdep otyrmyz», - dedi Ermek Qızatov.