Ilham Álıevtiń Qazaqstanǵa sapary odaqtastyq qatynastardy damytýǵa tyń serpin beredi - Toqaev

ASTANA. QazAqparat – Ilham Álıevtiń Qazaqstanǵa sapary odaqtastyq qatynastardy damytýǵa tyń serpin beredi. Bul týraly Aqordada Ázerbaıjan Prezıdentimen keńeıtilgen quramda kelissóz ótkizgen Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Shaǵyn quramdaǵy kelissóz barysynda biz kún tártibimizdegi birqatar ózekti máseleni tyńǵylyqty talqyladyq, memleketterdiń ózara is-qımylynyń jańa ósim núktelerin aıqyndadyq, halyqaralyq qurylymdar aıasynda dıalogty nyǵaıtý jaıynda pikir almastyq. Jáne de osy tustardyń barlyǵy da búgin biz qol qoıatyn birlesken málimdemede tıisinshe oryn alady. Sizdiń Qazaqstanǵa saparyńyz zor mánge ıe ekendigine senim artamyn. Ol elderimiz arasyndaǵy odaqtastyq qarym-qatynasty damytýǵa qýatty serpin bereri sózsiz», - dedi Qazaqstan Prezıdenti.

Osyǵan deıin Qazaqstan men Ázerbaıjan arasynda taýar aınalymyn 1 mlrd dollarǵa jetkizýge bolatyny aıtyldy.