Ilham Álıevke bıometrııalyq jeke kýálik tabys etildi

BAKÝ. QazAqparat - Ázerbaıjanda 1 qyrkúıekten bastap jańa býyn elektrondy jeke kýáligin qoldaný bastalady. 31 tamyzda Ilham Álıevke Ázerbaıjan respýblıkasynyń bıometrııalyq kórsetkishi bar nómiri birinshi jeke kýáligi tabys etildi, dep habarlaıdy AZERTADJ aqparat agenttigi.

Prezıdent I.Álıev jeke kýálik úshin sýretke túsip, elektrondy qoltańbasyn qoıdy. Nómiri birinshi elektrondy túrdegi jeke kýálik Ázerbaıjan basshysyna tabys etildi.

Іski ister mınıstri Ramıl Ýsýbov pen ekonomıka mınıstri Shahın Mýstafaev prezıdentke el azamattaryna elektrondy jeke kýálikti berý daıyndyǵynyń barysy men ony jetkizý jumystary týraly aıtyp berdi.

Aıta ketý kerek, jańa býyn jeke kýáligi qaýipsizdik turǵysynan burynǵyǵa qaraǵanda jetildirilgen.

Atalǵan jeke kýálikte azamattyń turǵylyqty meken-jaıyn tirkeý týraly, otbasylyq jaǵdaıy, sondaı-aq ıesiniń bıometrııalyq fotosy men basqa da jeke málimetter bar qorǵaýshy chıp ornalasqan. Tsıfrly aqparat pen barynsha jalǵan jasaýdan qorǵalǵan jańa býyn jeke kýáligin alǵysy keletin azamattar terrıtorııalyq polıtsııa  organdary men «ASAN xidmət» ortalyqtaryna júginýge bolady.  

Jańa jeke kýálikti basyp shyǵarý Іshki ister mınıstrliginiń 10 aımaqtyq jáne  «ASAN xidmət» ortalyǵynda júzege asyrylady.