Ilham Álıev Qazaqstan Prezıdentin Fızýlıde salynyp jatqan Qurmanǵazy atyndaǵy ortalyqtyń ashylýyna shaqyrdy
«Ózimniń jáne barsha Ázerbaıjan halqynyń atynan Geıdar Álıevti qurmet tutýlaryńyzǵa, onyń esimimen Qazaqstan astanasynyń ortalyq kósheleriniń birin ataǵandaryńyz, ákemdi jáne Ázerbaıjan halqynyń uly kóshbasshysyn qurmet tutqandaryńyz úshin taǵy da rızashylyǵymdy bildirgim keledi. Sonymen qatar azat etilgen Qarabaqta Qurmanǵazy atyndaǵy balalar shyǵarmashylyǵy ortalyǵyn salý týraly jeke sheshimińiz úshin de alǵysymdy bildiremin. Іs júzinde qurylys qazirdiń ózinde óte qarqyndy júrgizilip jatyr jáne osy múmkindikti paıdalana otyryp, Sizdi atalǵan ortalyqtyń ashylýyna shaqyramyn», - dedi Ilham Álıev Aqordada Qazaqstan Prezıdentimen keńeıtilgen quramdaǵy kelissóz barysynda.
Onyń paıymynsha, atalǵan ortalyq eki halyqtyń dostyǵy men baýyrlastyǵynyń jaqsy nyshany bolmaq.
«Óıtkeni, bizge qıraǵan ınfraqurylymdy, onyń ishinde áleýmettik ınfraqurylymdy qalpyna keltirý boıynsha aýqymdy jumys kútip tur jáne de baýyrlas Qazaqstannan mundaı bastama búkil ázerbaıjandyqtarda zor rızashylyq sezimin týdyrary sózsiz», - dedi Ilham Álıev.