Ilfat Abdýlın sadaq atýdan Tokıo Olımpıadasyn aıaqtady

NUR-SULTAN. QazAqparat - Búgin, 31 shilde kúni Tokıo Olımpıadasynda sadaq atýdan erler arasynda jekeleı synnyń 1/8 fınaly ótti. Qazaqstandyq sportshy Ilfat Abdýllın atalǵan básekede qarsylasyna jol berdi, dep habarlaıdy Olympic.kz.

Ilfat Abdýllın jarystyń 1/8 fınalynda qytaılyq Lı Djýa Lýnmen básekege tústi. Tartysty kezdesý negizgi sette teń 5:5 esebimen aıaqtaldy. Kezdesý jeńimpazyn anyqtaý maqsatynda berilgen sońǵy múmkindikte qytaılyq qarsylasy 10, otandasymyz Ilfat 8 upaıdy kózdedi. Nátıjesinde, jarys 6:5 esebimen aıaqtalyp, Ilfat Abdýllın kelesi aınalymǵa óte almady.