IKOMEK109 12 myńnan astam ákimshilik quqyq buzýshylyqty anyqtaýǵa kómektesti
Onyń atap ótýinshe, jyl basynan beri IKOMEK109-ǵa 1,5 mln-nan astam ótinim kelip, túsip, onyń 99 paıyzy sheshilgen. Barlyq ótinimniń 81 paıyzyna qońyraý túsken sátten-aq keńes berilgen. Al qalǵan ótinimderdiń 19 paıyzy oqıǵa retinde tirkeledi.
«IKOMEK109-ǵa kelip túsken suraqtardyń bárin qyzmetkerlerimiz ben ákimdiktiń basqarmalaryn barynsha jedel sheshedi. Sonymen qatar bizde Monıtorıng jáne jedel áreket etý departamenti bar. IKOMEK109-ǵa shamamen 10 myń beınekamera qosylǵan. Jyl basynan 12 myńnan asta ákimshilik quqyq buzýshylyqty tirkedik. 37 mln teńgeden astam aıyppul salyndy», - dedi ol Astana qalalyq kommýnıkatsııalar qyzmetindegi brıfıngte.
Onyń aıtýynsha, Memleket basshysynyń memlekettik organdardyń qyzmetinde bıýrokratııany joıý jáne jobalyq basqarý quraldaryn paıdalaný jónindegi tapsyrmalaryn oryndaý maqsatynda «iKOMEK» ortalyǵy aıasynda Astana qalasy ákimdiginiń Joba keńsesi jumys jasaıdy. Bul rette keńse qalany damytý baǵdarlamasy sheńberinde jobalyq qyzmettiń barlyq qatysýshylarynyń tıimdi ózara is-qımylyn jáne úılestirýin qamtamasyz etedi. Búgingi tańda jobalyq keńseniń negizgi mindetteriniń biri – jobalardy basqarý protsesin ońtaılandyrý jáne iske asyrylyp jatqan jobalardy tsıfrlandyrý. Osy mindet aıasynda «Astana qalasy ákimdiginiń jobalyq keńsesi» platformasynda aǵymdaǵy ýaqytta ákimdiktiń qurylymdyq bólimsheleri iske asyratyn 189 bıýdjettik ınvestıtsııalyq joba tsıfrlandyryldy. Bul jumys iske asyrý kezeńderin, negizgi jumystardy, oryndalý merzimderin jáne jobalardyń bıýdjetin baqylaýǵa múmkindik beredi.