iKomek-109 qosymshasy 50 mln teńge bıýdjet qarajatyn únemdegen

NUR-SULTAN. QazAqparat – «109 birińǵaı baılanys ortalyǵy» departamentiniń dırektory Ásel Ómirzaq elorda turǵyndary qandaı saýalmen jıi qońyraý shalatynyn aıtty, dep habarlaıdy QazAqparat tilshisi.

«Qazirgi tańda qala turǵyndaryn densaýlyq saqtaý, qoǵamdyq kólik, elektrmen jabdyqtaý, biryńǵaı tólem ortalyǵynyń túbirtekteri, jol ınfraqurylymy, qalany sýmen jabdyqtaý máseleleri jıi alańdatady.Kún saıyn bizge 7 myńnan 29 myńǵa deıin ótinish kelip túsedi. Ótinishterdi óńdeý kórsetkishi – 99 paıyz. Kún saıyn kommýnaldyq kásiporyndar men ákimdik basqarmalary bizdiń ortalyqqa túsken 6 myńǵa jýyq ótinishpen jumys isteıdi. 1300-den astam qyzmet túrine operator alǵashqy qońyraý kezinde-aq jaýap bere alady. Sondaı-aq basshylardy mańyzdy shuǵyl jáne tótenshe jaǵdaılar týraly habarlaýǵa arnalǵan «Ikomek-109» moblıldi qosymshasy bar. Qosymshada tıisti qyzmetterdiń jumys áreketi kórinis taýyp otyrady. 2019 jyldan beri osy tásil arqyly basshylarǵa 55 myńnan astam eskertpe jiberildi», -dedi Ásel Ómirzaq onlaın-brıfıngide.

Aıtýynsha, bul qosymshany ákimdiktiń 500 qyzmetkeri gadjetine ornatqan. Sol arqyly azamattardyń ótinishimen jumys istep júr.

«Atalǵan qosymsha arqyly turǵyndar apattyq-josparly jumystar men mektepte sabaqtyń shegerilýi, joldardyń qashan jabylyp, ashylatyny týraly málimetti jedel alady.

«iKomek-109» qyzmetine qalalyq telefonnan da, uıaly telefonnan da táýlik boıynda tegin qońyraý shalýǵa bolady. Qazir ótinishterdiń 76,7%-y «109» sall-ortalyǵy arqyly, 23,3%-y ózge de tsıfrlyq servıster arqyly túsedi. SMS-habarlandyrýdan bas tartqannan beri «iKomek-109» qosymshasy bıýdjettiń 50 mln teńgesin únemdegen», - dedi departament dırektory.