IYU 15-shi sammıtinde Banjýl deklaratsııasy qabyldandy

<p>ASTANA. KAZINFORM &ndash; Gambııa astanasynda uıymǵa múshe memleketterdiń memleket jáne úkimet basshylarynyń basyn qosqan Islam yntymaqtastyǵy uıymynyń joǵary deńgeıdegi 15-shi sammıti aıaqtaldy. Forýmnyń kún tártibinde &laquo;Turaqty damý maqsatyndaǵy dıalog arqyly birlik pen yntymaqty nyǵaıtý&raquo; taqyryby qaralyp, is-shara deklaratsııa qabyldaýmen aıaqtaldy.</p>

Gambııa prezıdenti Adama Barroýdyń tóraǵalyǵymen ótken eki kúndik konferentsııanyń qorytyndysy boıynsha IYU-nyń 15-shi sammıti Palestına jáne ál-Aqsa meshiti máselesine qatysty arnaıy qarar, tutastaı qamtıtyn kommıýnıke jáne sammıt ótken Gambııa astanasynyń ataýyn alǵan Banjýl deklaratsııasyn qabyldady.

Deklaratsııa uıymǵa múshe memleketterdiń Gaza sektorynda bolǵan gýmanıtarlyq apatqa qarsy turýdaǵy yntymaqtastyǵyna nazar aýdarady, Palestına halqynyń óz quqyǵy úshin kúresinde qoldaý bildiredi. Sondaı-aq Palestına memlekettiligi quqyǵyn moıyndaıdy. 

Foto: prezıdent Gambıı Adama Berroý / OIS

Sonymen qatar qujatta Kashmır halqyna qoldaý bildirilip, BUU Qaýipsizdik Keńesin Djammý men Kashmırge qatysty qararlaryn oryndaý úshin tıimdi sharalar qabyldaýǵa shaqyrady. Deklaratsııada Úndistandaǵy musylmandar men basqa da azshylyqtardyń qýdalanýyna alańdaýshylyq bildirilgen.

Deklaratsııa mátininde sondaı-aq Pákistan, Saýd Arabııasy jáne Túrkııaǵa BUU Bas Assambleıasynyń 15 naýryzdy «Halyqaralyq ıslamofobııaǵa qarsy kúres kúni» dep jarııalaý týraly qarar qabyldaýǵa kúsh salǵany úshin alǵys aıtyldy. 

Foto: gensek OIS Hıseın Brahım Taha / OIS

Deklaratsııa «Aýǵanstan Islam Ámirligin» (AIÁ) Aýǵanstannyń qyzdary men áıelderiniń bilim alý jáne jumys isteý quqyqtaryn qurmetteýge shaqyrdy. IYU bilim alý jáne jumys isteý quqyqtaryn aýǵandyq qyzdar men áıelderdiń negizgi quqyqtary retinde sıpattady jáne osy máseleler boıynsha AIÁ organdarymen tyǵyz baılanys ornatýǵa shaqyrdy. IYU beıbit, turaqty, gúldengen jáne ınklıýzıvti Aýǵanstandy qoldaıtynyn bildirdi. 

Sammıtke AIÁ delegatsııasy da qatysty. Sondaı-aq IYU-ǵa múshe elder 11 shildeni 1995 jylǵy Srebrenıtsa genotsıdin halyqaralyq eske alý jáne eske alý kúni dep jarııalaý týraly BUU Bas Assambleıasynyń qarar jobasyn qoldaýǵa shaqyryldy. 

Foto: IYU

IYU músheleri Eýropanyń birneshe elinde Quran kitabynyń kóshirmelerin órteý oqıǵalaryn aıyptap, halyqaralyq qaýymdastyqty mundaı áreketterdiń qaıtalanbaýy úshin sharalar qabyldaýǵa shaqyrdy.

Múshe memleketter men basqa elder dinı tózimsizdik, teris stereotıpter, óshpendilik, olardyń dini nemese nanym-senimi negizinde adamdarǵa zorlyq-zombylyq pen ony jasaýǵa shaqyrýmen kúresý úshin barlyq sharalardy qabyldaýǵa shaqyrylady.