Iisshil ıtter jarysy ótip jatyr

ASTANA. 23 qyrkúıek. QazAqparat - Búgin, Reseı FQQ Shekaralyq kınologııalyq oqý ortalyǵynda, atap aıtqanda Smolensk oblysynyń Vıazma qalasynda TMD-ǵa qatysýshy memleketterdiń shekara vedomstvolarynyń kınolog-mamandary arasynda arnaıy jarys bastaldy.

QR UQK ShQ baspasóz qyzmetiniń habarlaýynsha, atalǵan is-sharaǵa QR UQK Shekara qyzmetiniń komandasy da qatysyp, baq synaýda. Komanda quramyndaǵy praporşık Baqytjan Myrzahmetov esirtkilik zattardy izdeıtin óziniń «Reks» (2088 áskerı bólimi); praporşık Kámılıa Shaıhýlına jarylǵysh zattardy izdeıtin «Bekı» (2125 á/b); kelisimshart serjanty Aryn Jeksenálıev iz keskish «Gektar» sekildi nemis tuqymdas ıtterimen birge qatysyp (2125 á/b), ózderiniń úzdik tásilderin ortaǵa salýda. Al, qazaqstandyq kınolog-shekarashylardyń komandasyna QR UQK Shekara qyzmeti Kınologııalyq ortalyǵynyń bastyǵy podpolkovnık Nurbolat Ábdiqalyqov basshylyq etýde.

TMD-ǵa qatysýshy memleketterden kelgen kınolog-mamandar jarysy bes kúnge sozylady.