ІІM jelide taraǵan Arys týraly vıdeoǵa pikir bildirdi
18:15, 25 Maýsym 2019
NUR-SULTAN. QazAqparat - Áleýmettik jelilerde taraǵan Arysta boldy degen vıdeo Ýkraınanyń Harkov oblysynda túsirilgen, dep habarlaıdy QazAqparat.
Aıta ketsek, Arystaǵy jarylysqa uqsas vıdeo búgin áleýmettik jelilerde keńinen taralyp ketken bolatyn. Qalanyń qaq ortasyndaǵy vıdeoda snarıadtardyń birinen keıin biri jarylyp jatqany beınelengen. Alaıda bul Іshki ister mınıstrligi bul vıdeonyń Arys qalasyna qatysy joq ekendigin resmı málimdedi.
«Balakleıa, Harkov, moment detonatsıı» atty vıdeo osydan eki jyl buryn jarııalanyp qoıǵan. Rasynda da, 2 mıllıonǵa jýyq adam kórgen vıdeonyń Arysqa qatysynyń joqtyǵyn myna siltemeden kóre alasyz.
Eske sala ketsek, Arys qalasyndaǵy áskerı bólimniń qoımasynda keshe tańerteń jarylys bolǵandyǵy týraly habarlaǵan bolatynbyz. Apat saldarynan eki adam mert boldy.