ІІM ýnıversıtetterinde jańa bilim baǵdarlamalary paıda bolady

ASTANA. QazAqparat – Іshki ister mınıstrliginiń áskerı, arnaýly oqý oryndaryndaǵy bilim berý baǵdarlamalarynyń tizbesi jańarmaq, dep habarlaıdy QazAqparat tilshisi.

Tıisti buıryqtyń jobasy «Ashyq NQA» portalynda 31 shildege deıin qoǵam talqylaýynda bolady.

Qujat boıynsha eldiń birneshe qalasyndaǵy oqý ornynda jańa mamandyqtar oqytyla bastaıdy.

Almaty akademııasy:

• IT-Іshki ister organdarynyń qyzmetin krımınalıstıkalyq qamtamasyz etý (Tsıfrlyq krımınalıstıka);

• Kıberqaýipsizdikti qamtamasyz etý;

• Aqparattyq-kommýnıkatsııalyq tehnologııalar;

• Kıberqaýipsizdikti qamtamasyz etý» (ǵylymı jáne pedagogıkalyq baǵyt).

Ulttyq gvardııa akademııasy:

• Áskerı barlaý taktıkalyq basshylyq;

• Basshylyq taktıkalyq áskerı psıhologııa.

Sondaı-aq, magıstratýra deńgeıindegi bilim berý baǵdarlamalarynyń tiziminde de ózgerister bar:

ІІM Qaraǵandy akademııasy:

• Ulttyq qaýipsizdik jáne áskerı;

• Qoǵamdyq qaýipsizdik;

• Quqyq qorǵaý qyzmeti.

ІІM Qostanaı akademııasy:

• Ulttyq qaýipsizdik jáne áskerı is

• Qoǵamdyq qaýipsizdik;

• Quqyq qorǵaý qyzmeti;

• Pedagogıkalyq ǵylymdar;

• Pedagogıka jáne psıhologııa.

Dál osyndaı mamandyqtar ІІM-niń ózge de qalalaryndaǵy joǵary oqý oryndarynda paıda bolmaq.

Malkedjar Bókenbaev atyndaǵy Aqtóbe zań ınstıtýty da magıstratýra baǵdarlamasy boıynsha qyzmet kórsetýge lıtsenzııa alǵan. Osylaısha, bilim ordasynda «Quqyq qorǵaý qyzmet» baǵdarlamasy ǵylymı jáne pedagogıkalyq maqsatta oqytylady.