ІІM sıntetıkalyq esirtkiniń iri partııasy tárkilengen óńirlerdi atady

NUR-SULTAN. QazAqparat – 2021 jyldyń 1-toqsanynda jańa psıhoaktıvti zattardy taratýdyń 369 faktisiniń joly kesildi. Bul týraly QR ІІM Esirtki qylmysyna qarsy is-qımyl departamentiniń basqarma bastyǵy Berikhan Nurǵalıev aıtty, dep habarlaıdy QazAqparat tilshisi.

«Osy jyldyń 1-toqsanynda jańa psıhoaktıvti zattardy taratýdyń 369, onyń 173 satý jáne 39 saqtaý faktisiniń joly kesildi. Zańsyz aınalymǵa 25 keliden astam esirtki jiberilgen joq. Nur-Sultan, Shymkent, Almaty qalalarynda, Shyǵys Qazaqstan, Pavlodar, Almaty, Atyraý jáne Aqmola oblystarynda sıntetıkalyq esirtkiniń iri partııasy tárkilendi», - dedi ol ІІM baspasóz qyzmeti alańynda ótken brıfıng barysynda.

Máselen, onyń aıtýynsha, naýryzda Almatydaǵy túngi klýbtardyń birinde arnaýly operatsııa júrgizildi. Onyń barysynda klýb kelýshileri arasynda sıntetıkalyq esirtki jaratqan eki jigit ustaldy.

«Olar klıentterden tólemdi onlaın aýdarý arqyly alyp otyrǵan. Satýshydan jáne klýbqa kelýshilerdiń birinen býyp-túıilgen mefodron alyndy. Kúdiktilerdiń páterin tintý barysynda satýǵa daıyndalǵan sıntetıkalyq esirtki jáne býyp-túıýge qajetti qural-jabdyqtar tabyldy. Esirtkiniń taralýynyń aldyn alý is-sharasyn qabyldamaǵan klýb ıesine ákimshilik hattama toltyryldy», - dedi Berikhan Nurǵalıev.