ІІM senim telefonyna kelip túsken árbir ótinish muqııat tekserilmek
«ІІM senim telefony» (14-02 nemese 71-41-09) azamattar úshin óz quqyqtaryn qorǵaýǵa, qaýipsizdikti qamtamasyz etýge, týystaryn izdestirýge, sondaı-aq qoǵamdyq tártipti qamtamasyz etýde polıtseılerge kómek kórsetýdi uıymdastyrýda jaqsy qural boldy.
«ІІM senim telefonynyń» nátıjeleri halyqtyń polıtsııaǵa degen senim deńgeıi artqanyn, turǵyndar men polıtsııa qyzmetkerleri arasyndaǵy baılanystyń jaqsara túskenin aıqyn kórsetedi. Memleket basshysynyń polıtsııany servıstik jumys modeline kóshirý týraly tapsyrmasynda dál osyndaı meje kózdelgen bolatyn. Sondyqtan qazirgi ýaqytta ishki ister organdarynyń qyzmetkerleri azamattardyń árbir ótinishi zańdy sheshimder qabyldaýmen muqııat qaralýy tıis ekenin túsinedi. ІІM qyzmetteri kelip túsken barlyq habarlamalardyń naqty monıtorıngin qamtamasyz etedi jáne olardy tolyq sheshkenge deıin qaraýsyz qalmaýyn qadaǵalaıdy.
Búgin beınekonferentsbaılanys quraly boıynsha Іshki ister mınıstri qyzmetter men aýmaqtyq bólimshelerdiń basshylaryna azamattardyń konstıtýtsııalyq quqyqtarynyń múltiksiz saqtalýyn qamtamasyz etýdi, barlyq tergeý áreketterin qylmystyq is júrgizý kodeksiniń normalaryn qatań saqtaı otyryp júrgizýdi tapsyrdy. Budan basqa, mınıstr árbir ótinish boıynsha muqııat tekserý júrgizýdi, onyń nátıjelerin ótinish bastamashylaryna jetkizýdi nemese olardy ınternet resýrstarda ornalastyrýdy talap etti. Osy maqsatta azamattardy apta saıyn qabyldaý kestesin jasaý, azamattar úshin front-ofıster men qabyldaý bólmeleriniń úzdiksiz jumysy qamtamasyz etildi. ІІM-ge júrgizilgen jumys týraly esepter jiberilip turady. Máselen, búgin Atyraý oblysy PD basshylyǵyna polıtsııa qyzmetkerleriniń densaýlyǵyna zııan keltirý faktisine tekserý júrgizý tapsyryldy. «ІІM senim telefonynyń» jumysy jalǵasýda, onyń nátıjeleri týraly jurtshylyqqa únemi habarlanady.