ІІM qandaı qaýipsizdik máselelerin sheshýdiń qajet ekenin zerdeleýde

NUR-SULTAN. QazAqparat - Polıtsııanyń servıstik modeline kóshý sheńberinde ІІM Ákimshilik polıtsııa komıteti mınıstr Erlan Turǵymbaevtyń tapsyrmasy boıynsha úkimettik emes uıymdarmen birlesip jergilikti polıtsııa qyzmetiniń jumysyn taldap, áleýmettik zertteýler júrgizedi. Bul týraly QazAqparat atalmysh vedomostvonyń baspasóz qyzmetine silteme jasap habarlaıdy.

Osy maqsatta Nur-Sultan qalasynda eki myńnan astam adamnan saýalnama alyndy. Respondentter qaýipsizdik pen quqyqtyq tártipti qorǵaý salasyndaǵy qandaı problemalardyń kóp mazalaıtynyn atap ótti.

Anyqtalǵandaı, elorda turǵyndaryn alańdatatyn máseleler tómendegideı:

keı jerlerde kóshe jaryǵynyń bolmaýy;

jol qaýipsizdigi, ásirese mektepter men balabaqshalarǵa jaqyn jerlerdegi qaýipsizdik;

úılerdiń kireberisindegi alkogol men esirtki;

balalar alańdarynyń qaýipsizdigi;

kóshedegi ıtter jáne janýarlardy qorǵaý;

tynyshtyqty buzý;

kóp qabatty úılerde ornalasqan jeke bıznes nysandaryndaǵy órtke qarsy qaýipsizdik.

Júrgizilgen áleýmettik saýalnama elorda turǵyndaryn tolǵandyratyn máselelerdi anyqtap qana qoımaı, halyq pen polıtsııa arasyndaǵy baılanys árbir eldi mekendegi qaýipsizdik deńgeıin arttyrý úshin mańyzdy ekenin kórsetti.

– Tıimdi seriktestik qurý – bul qazaqstandyq polıtsııanyń servıstik modeldiń basty negizi. Áleýmettik saýalnamalar qoǵamnyń qaýipsizdik qajettilikteriniń qurylymyn zertteýge múmkindik beredi. Jergilikti polıtsııa qyzmetteri naqty aldyn alý sharalaryn ázirleýi úshin osyndaı zertteýler ár óńirde júrgiziletin bolady, – dep atap ótti mınıstr.

Áleýmettik zertteýlerdi daıyndaýǵa jáne óńdeýge «Quqyqtyq saıasatty zertteý ortalyǵy» qoǵamdyq uıymy qatysty. QAZGZÝ ýnıversıteti, TheGuests jobalaý-konsaltıngtik kompanııasy jáne Qazaqstan baspasóz klýby saraptamalyq-taldaý jáne konsýltatıvtik kómek kórsetti.

– ІІM seriktester sheńberin keńeıtýdi jalǵastyrýda jáne basqa da saraptamalyq uıymdardy, barlyq azamattardy qoǵamdyq qaýipsizdik salasyndaǵy problemalardy birlesip sheshý úshin óz ıdeıalarymen bólisýge shaqyrady, – dep atap ótti Іshki ister mınıstri.

Zertteý qorytyndysy boıynsha ІІM Ákimshilik polıtsııa komıteti jergilikti polıtsııa qyzmeti jumysynyń tıimdiligin arttyrý maqsatynda praktıkalyq usynymdar, ýchaskelik jáne patrýldik polıtseılerdiń basqarý júıesinde jáne jumysynda jańa tásilder men ádister ázirleıtin bolady.