ІІM: Byltyr 9 mıllıonǵa jýyq memlekettik qyzmet kórsetildi

NUR-SULTAN. QazAqparat – QR Іshki ister mınıstrliginiń resmı ókili Nurdildá Oraz byltyr vedomstvo 9 mıllıonǵa jýyq memlekettik qyzmet kórsetkenin aıtty, dep habarlaıdy QazAqparat tilshisi.

«Іshki ister mınıstrligi memlekettik qyzmet kórsetý protsesterin ońaılatý, olardyń sapasy men halyqqa qoljetimdiligin arttyrý boıynsha jumystardy jalǵastyryp keledi. Ótken jyly mınıstrlik qurylymdary 9 mıllıonǵa jýyq memlekettik qyzmet kórsetti. Búginde ishki ister organdary kórsetetin 40 qyzmettiń 38-i nemese 95 paıyzy avtomattandyrylǵan», - dedi resmı ókil onlaın rejımdegi brıfıngide.

Olardyń ishindegi kóp suranysqa ıe - avtokólikti tirkeý, oǵan 2 mıllıon 366 myń adam júgingen.

«2 mıllıonnan astam azamatqa jeke basty kýálandyratyn qujat berildi. Mıllıonǵa jýyǵy júrgizýshi kýáligin alǵan. 2 mıllıonnan astam qazaqstandyq turǵylyqty jeri boıynsha tirkeldi. Іshki ister mınıstri Erlan Turǵymbaev atap ótkendeı, ІІM-niń Memlekettik qyzmet kórsetý salasyndaǵy eń basty ustanymy – qyzmetterdi avtomattandyrý, jedeldiligin arttyrý, ashyqtyǵyn qamtamasyz etý jáne sybaılas jemqorlyqty azaıtý bolyp tabylady», - dedi N. Oraz.