ІІM Armenııadan ákelingen kólikti tirkeýdi keıinge qaldyrýdyń tıimsizdigin atady
«Keıbir adamdar qazir azdap kúte turyp, Armenııadan ákelingen kólikterin tamyzda tirkemek eken. Bul árekettiń esh jemisi bola qoımas. Sebebi avtokóliktiń ıesinen senimhatty alýǵa nemese basqa da qujattardy jınaýǵa ýaqyt bolmaı qalýy múmkin. Ekinshiden, arnaıy HQO-larǵa sol kezde júkteme kúrt ósip, ondaǵy qyzmetkerlerdiń jumys qarqynyn tejeýi yqtımal. Onyń ústine mundaı jıyn epıdemıologııalyq ahýal boıynsha da artyq qaýipterdi týǵyzýy múmkin», - dedi ol OKQ-da «QR azamattary Armenııadan ákelgen avtomobılderdi tirkeý týraly» taqyrybynda ótken baspasóz máslıhatynda.
Aıta ketsek buǵan deıin Serik Túsipov Armenııadan ákelingen kólikti senimhat nemese saqtandyrý polısimen aıdap júrgen azamattyń atyna nelikten tirkeýge bolmaıtynyn túsindirip bergen bolatyn.