ІІM Almaty akademııasynda jańa fakýltetter ashyldy

NUR-SULTAN. QazAqparat – Іshki ister mınıstri Erlan Turǵymbaev M. Esbolatov atyndaǵy ІІM Almaty akademııasynda jańa fakýltetterdiń ashylýyna qatysty. Bul týraly Іshki ister mınıstrliginiń baspasóz qyzmeti ótkizgen onlaın brıfıngte aıtyldy, dep habarlaıdy QazAqparat tilshisi.

Bul fakýltetterde basshylyq quram jáne ishki ister organdarynyń orta basshy quramy daıarlanady.

«Memleket basshysynyń ishki ister organdarynyń kadrlyq áleýetin daıyndaý jáne arttyrý týraly tapsyrmasy aıasynda polıtsııa basqarmalarynyń bastyqtary men olardyń orynbasarlarynan bastap aýmaqtyq polıtsııa departamentteriniń bastyqtaryna deıingi basshy quram laýazymdaryna barlyq taǵaıyndaýlar, sondaı-aq Prezıdenttik kadr rezervine kandıdattardy qabyldaý kórsetilgen fakýltetterde oqýdan ótkennen keıin ǵana júrgiziletin bolady», - dep habarlady mınıstr Akademııanyń professorlyq-oqytýshylyq quramymen kezdesý kezinde.

Vedomstvo basshysynyń málimetinshe, tyńdaýshylardyń birinshi legi osy jyldyń 29 naýryzynda keledi.

«Dáriskerler pýlyna ІІM ortalyq apparatynyń basshylary, ІІO ardagerleri, memlekettik organdardyń, azamattyq qoǵam ınstıtýttarynyń ókilderi, qazaqstandyq jáne sheteldik kórnekti ǵalymdar, qoǵam qaıratkerleri kiredi. Mınıstrge ǵylym, bilim jáne polıtsııanyń praktıkalyq qyzmetin ıntegratsııalaýdy kózdeıtin ǵylymı-zertteý ınstıtýtyn qurý jobasy, sondaı-aq halyqaralyq yntymaqtastyq, strategııalyq damý, ıdeologııalyq jáne ımıdjdik jumysty jobalyq basqarý bólimderi tanystyryldy», - deıdi QR ІІM resmı ókili Nurdildá Oraz.