ІІM aqparattyq júıesindegi tehnıkalyq aqaýdy joıý jumystary júrgizilip jatyr

NUR-SULTAN. QazAqparat – Búgin ІІM aqparattyq júıesinde týyndaǵan tehnıkalyq aqaýlyqtardy joıý boıynsha jumystar júrgiziledi, dep habarlaıdy QazAqparat mınıstrliktiń baspasóz qyzmetine silteme jasap.

«Bıylǵy jyldyń 5 qańtarynda ІІM aqparattyq júıesiniń jańartylýyna baılanysty «kólik quralyn tirkeý» jáne «júrgizýshi kýálikterin berý» qyzmetterin kórsetý ýaqyty uzardy. Bul «Azamattarǵa arnalǵan úkimet» UAQ bólimshelerindegi kezektiń sany artýyna sebepshi boldy.

Osyǵan baılanysty 6 qańtarda Іshki ister mınıstrliginiń «Aqparattyq-óndiristik ortalyq» RMK «Azamattarǵa arnalǵan úkimet» KeAQ jáne «Ulttyq aqparattyq tehnologııalar» AQ-men birlesip týyndaǵan tehnıkalyq aqaýlyqtardy joıý boıynsha jumystar júrgiziletin bolady, budan soń qyzmet kórsetý qaıta jalǵasady», delingen habarlamada.

Aıta keterligi, halyqty qujattandyrý salasyndaǵy ózge de memlekettik qyzmetter (jeke kýálikter, pasporttar berý) HQO-da shtattyq rejimde kórsetiledi.

«ІІM aqparattyq-óndiristik ortalyǵy ýaqytsha qolaısyzdyqtar úshin keshirim suraıdy», delingen habarlamada.

Eske sala ketsek, buǵan deıin «Azamattarǵa arnalǵan úkimet» korporatsııasy Mamandandyrylǵan HQO-lardyń jumysy ýaqytsha toqtatylǵanyn habarlaǵan bolatyn.