III Charlz ben Anglııa shirkeýi arasynda táj kııý rásimine qatysty kelispeýshilik týdy

LONDON. QazAqparat -Ulybrıtanııa koroli III Charlz ben Anglııa shirkeýi dinbasylarynyń táj kııý rásimin qalaı uıymdastyrý kerektigi týraly kózqarastary ártúrli bolyp shyqty dep habarlaıdy QazAqparat TASS aqparat agenttigine silteme jasap.

The Mail on Sunday gazeti jeksenbide derekkózderge silteme jasap habarlaǵandaı, monarh bul rásimge basqa konfessııa ókilderiniń belsendirek qatysqanyn qalaıdy jáne bul myńjyldyq ulttyq dástúrge qaıshy keledi.

Basylymnyń habarlaýynsha, Charlz III táj kııý rásiminiń barysynda musylmandar, ındýstar jáne evreıler hrıstıandarmen birge Vestmınster abbattyǵyndaǵy saltanatty rásimde óz duǵalaryn oqýǵa múmkindik alyp, «ártúrli ótkenin» jaqtaıdy. Maqalada týyndaǵan kelispeýshilikterdiń saldarynan tórt apta ýaqyt qalǵan táj kııý rásiminiń reglamentin jarııalaý keıinge shegerilgeni atap ótilgen.

Basylymnyń jazýynsha, Charlz III ustanymy onyń 30 jyldaı buryn tek anglııalyq emes, barlyq dinderdiń qorǵaýshysy bolǵysy keletini týraly sózderin dáleldeıdi.

Anglııa shirkeýiniń rýhanı jetekshileri táj kııý rásimi taza «anglııalyq rásim» ekenin atap ótedi. Karl III basqa din ókilderiniń qatysýymen bólek rásim ótkize alatyny shamalanyp otyr.

74 jastaǵy III Charlzge táj kıgizý rásimi Londondaǵy Vestmınster abbattyǵynda 2 myń adamnyń qatysýymen 6 mamyr kúni ótedi. Іs-sharaǵa Belgııa, Vengrııa, Irlandııa, Ispanııa, Monako, Frantsııa, Japonııa basshylary, Eýropalyq Odaq basshylary jáne Shotlandııanyń jańa birinshi mınıstri Hamza ıÝsaf shaqyryldy.