ІІ toqsanda mınıstrler, ІІІ toqsanda rektorlar halyq aldynda esep berýi kerek

ASTANA. QazAqparat - Osy jyldyń ІІ toqsanynda mınıstrler, ІІІ toqsanynda ulttyq ýnıversıtetterdiń rektorlary halyq aldynda esep berýi kerek. Bul týraly búgin QR Prezıdenti janyndaǵy Ortalyq kommýnıkatsııalar qyzmeti alańynda ótip jatqan Jańǵyrtý jónindegi ulttyq komıssııa músheleriniń baspasóz máslıhatynda QR Senat tóraǵasynyń orynbasary, osy komıssııanyń múshesi Asqar Beısenbaev məlim etti.

«Ult josparynyń 5-shi baǵyty, ıaǵnı, halyqqa esep beretin memleketti qalyptastyrý jónindegi reformalar aıasynda mańyzdy sharalar qabyldandy. Birinshiden, memlekettik josparlaýda ońtaılandyrý iske asyryldy. Túrli deńgeıdegi segiz baǵdarlama jolǵa qoıylyp, bes salalyq baǵdarlama úkimettik negizde qaıta bekitildi.

Ekinshiden, barlyq mınıstrlikter men əkimdikterde jańa zańnamalyq negizde úkimettik emes uıym ókilderiniń qatysýymen qoǵamdyq keńester qurylýda», - dep habarlady A.Beısenbaev.

«Úshinshiden, memlekettik organdardyń qyzmetin baǵalaıtyn jańa júıe jumys isteı bastady. Memlekettik organdar, əkimder, ulttyq ýnıversıtetterdiń basshylary jyl saıyn halyq aldynda esep berý təjirıbesi engizildi. Birinshi toqsanda barlyq əkimder esep berdi. 2016 jyldyń ekinshi toqsanynda - mınıstrler, úshinshi toqsanynda ulttyq ýnıversıtetterdiń rektorlary esep beredi», - dep habarlady ol.