Igi ister ýaqyty: Memlekettik qyzmet ister agenttigi jańa chellendj bastady
Anar Jaılǵanova eriktiler qozǵalysyn damytýdyń mańyzyn atap ótip, memlekettik qyzmetshilerdi oǵan belsene qatysýǵa shaqyrdy.
«Bıylǵy jyl, ózderińizge belgili Eriktiler jyly dep Prezıdentimiz bastama jasady. Byltyrǵy jyl - Jastar jyly bolsa, bıyl bizde - Volonterler jyly. Endeshe bizdiń Memlekettik qyzmet isteri agenttigi de osyǵan atsalysaıyn dep jatyr. Mysaly, búgin biz qar tazalaýǵa shyqtyq, kómegimizdi kórsetkimiz keledi. Osy qalamyzdyń taza bolýy úshin, saıabaqtyń taza bolýy úshin. Adamdarǵa osy parktyń ishinde demalyp júrýge, serýendeýge jaǵdaı jasaý úshin. Jalpy eriktilerge keletin bolsaq, ol - búkil dúnıe júzinde keń taraǵan jaǵdaı. Biz búkil agenttigimizben atsalysaıyq dep sheshim qabyldadyq. Dúnıe júzinde, tipti óte úlken kompanııalarǵa jumysqa turý kezinde eriktiler retinde qyzmet istegen be, istemegen be - soǵan qaraıdy. ıAǵnı, ol árbir adamnyń, sol kandıdattyń adamı qasıetterin bildiredi, onyń kópshildigin, onyń adamǵa degen janashyrlyǵyn, baýyrmaldyǵyn, adamǵa eshqandaı aqysyz enbegin kórsetý sııaqty», - deıdi agenttik tóraǵasy.
Anar Jaılǵanovanyń aıtýynsha, agenttik osy jyldyń sońyna deıin ár apta saıyn halyqqa, qoǵamǵa jaqsy áserin tıgizetin bir is jasaıdy. Sondyqtan osy jyldy tek qana eriktiler emes, ıgi ister ýaqyty deýge bolady.
«Qazaqstandyq memlekettik qyzmetshilerdiń bizdi qoldaýyn suraımyn. Barlyǵymyz atsalysatyn bolsaq, biz úlken kúshpiz jáne úlken jetistikterge jetemiz», - deıdi Anar Jaılǵanova.
Jeńis pen Bógenbaı batyr dańǵyldarynyń qıylysynda ornalasqan «Aqjaıyq» saıabaǵy bir jarym gektardy alyp jatyr. Ekinshi dúnıejúzilik soǵystyń batyry Mánshúk Mámetovany eske alýǵa arnalǵan saıabaqty Astana qalasynyń 20-jyldyǵyna oraı Batys Qazaqstan oblysy salǵan. Bıyl - Uly Otan soǵysyndaǵy Jeńistiń 75 jyldyǵy. Sondyqtan qar jınaý ornyn tańdaý kezdeısoq emes. Qala turǵyndary bul qysta qar qursaýynda qalǵan saıabaqtyń júgirý alańyn belsendi paıdalanady.
Memlekettik qyzmet isteri agenttigi men Qazaqstan Respýblıkasynyń Prezıdenti janyndaǵy Memlekettik basqarý akademııasynyń qyzmetkerleri qala turǵyndaryna saıabaq aýmaǵyn kedergisiz ótýge múmkindik beretin barlyq perımetr boıynsha júgirý alańyn qardan tazalady.
Budan buryn agenttiktiń elordalyq departamentiniń qyzmetkerleri tolassyz jaýǵan qardan keıin jeke sektorda turatyn jalǵyzbasty qart adamdarǵa qar jınaýǵa kómektesti. Sondaı-aq ujymnyń áıelder qaýymy tańerteńnen qar kúrep júrgen kommýnaldyq qyzmet jumysshylaryn ystyq tamaqpen qamtamasyz etti.