«Igi ister marafony»: elordada 40 myńnan astam adamǵa túrli kómek kórsetildi

<p>ASTANA. KAZINFORM &ndash; &laquo;Igi ister marafony&raquo; jobasynda elorda jastary qandaı jumys júrgizip jatyr? Jastar saıasaty máseleleri basqarmasy basshysy Samat Ibraev Kommýnıkatsııalar qyzmetinde ótken brıfıngte tolyq málimet berdi. Bul týraly elorda ákimdiginiń resmı saıty habarlady.&nbsp;</p>

Vedomstvo basshysynyń aıtýynsha Astana qalasynda 14-35 jas aralyǵyndaǵy jastar sany – 440 myń. Bul jalpy qala turǵyndarynyń sanynyń 32 paıyzyn quraıdy.

14 joǵary oqý ornynda 79 myń, 35 kolledjde 36 myńnan astam stýdent bilim alyp júr.

«2020 jyldan beri «Astana jastary» bazasynda qalalyq volonterler shtaby jumys isteıdi. Shtabta 6 myńnan astam belsendi volonter bar. Turaqty negizde 30 volonterlik uıymmen, 20 bastamashyl toppen, memlekettik jastar saıasaty salasynda jumys isteıtin 4 úkimettik emes uıymmen, sol sııaqty kásiporyndar men metsenattarmen seriktestik ornatylǵan», - deıdi basqarma basshysy.

Vedomstvo basshysy sózin jalǵaı otyryp, volonterler 40 myńnan astam adamǵa kıim-keshek, azyq-túlik, aqshalaı kómek jetkizgenin málim etti.

Sol sııaqty 3 myń panasyz janýar qaıyrymdylyq qarajaty arqasynda kútim aldy. «Astana jastary» ortalyǵy 2023 jyly volonterlik baǵytyn keńeıtip jatyr.

Mysaly, 2023 jyly «Qaýipsiz qala» jobasy aıasynda turaqty negizde volonterler:

- Gazdandyrý týraly;

- Jylý berý jáne kóktemdegi sý tasqyny ýaqytyndaǵy qaýipsizdik sharalary týraly; 

- Sýǵa túsý maýsymyndaǵy erejeler týraly aqparattandyrý jumystaryna; - Tyıym salynǵan zattardy satý týraly jarnamalardy boıaý;

- Qoǵamdyq múlikke uqypty qaraý boıynsha «StopVandal» aktsııalaryna; 

- Jastarǵa arnalǵan memlekettik baǵdarlamalar týraly túsindirý boıynsha «Úzdik» jobasyna tartylady. 

Osylaısha, Qalalyq volonterler shtabymen tek volonterlik uıymdar ǵana emes, tirshilikti qamtamasyz etý mekemeleri de seriktestikke jumyldyrylady. 

«Taza Alem» jobasy aıasynda volonterlerdiń qatysýymen 45 eko-senbilikter ótkizildi, onyń ishinde 10 sharada sý qoımalary men Esil ózeniniń aýmaǵy tazalandy.